Имрӯз бахшида ба Рӯзи Президент ва Иҷлосияи XVI-уми Шӯрои Олӣ дар маҳаллаи Боғистони ҷамоати деҳоти Чилгазӣ ва маҳаллаи Гулистони ҷамоати деҳоти Кӯлканди шаҳри Исфара бо ташаббуси ҷамъияти Ҳилоли Аҳмар дар Тоҷикистон (ҶҲАТ) ва маблағгузории Салиби сурхи Олмон (ССО) 2 майдончаи варзишӣ барои бозии футбол ба истифода дода шуд.

Майдончаи варзишӣ иборат аз 48 метри мураббаъ буда, ҷавобгӯ ба стандартҳои ҷаҳонӣ сохта шудааст.

Дар маросими кушодашавии он раиси шаҳри Исфара Саломзода Сиҷоуддин, мудири Бахши кор бо ҷавонон ва варзиш дар шаҳри Исфара, варзишгарон, намояндагони ҶҲАТ ва ССО ширкат варзиданд.

Дар ҷараёни кушодашавии майдончаи варзишӣ шаҳрдори Исфара суханронӣ намуда, ҳозиринро бо ба истифода додани он муборакбод намуда, таъкид доштанд, ки ин ҳама ободкориҳову созандагиҳо бо дастгириву ғамхориҳои ҳамаҷонибаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебошад.