Дастаи мунтахаби футзали Тоҷикистон дар даври чорякниҳоии Ҷоми Осиё-2024 бо тими миллии Афғонистон бозӣ мекунад.

Дар ин бора аз Федератсияи футболи Тоҷикистон хабар доданд.

Ба иттилои манбаъ ин вохӯрӣ имрӯз - 24 апрел дар пойтахти Тайланд - шаҳри Бангкок баргузор шуда, соати 12:00 ба вақти Душанбе оғоз мешавад.

Ғолиби ин ҷуфт ба даври ниманиҳоии Ҷоми Осиё-2024 роҳ ёфта, соҳиби роҳхат ба Ҷоми ҷаҳон-2024 мешавад.

Ёдовар мешавем, ки рӯзҳои 21-22-юми апрел дар Тайланд бозиҳои даври сеюми Ҷоми Осиё-2024 баргузор шуданд, ки аз рӯи натиҷагирии онҳо ҳамаи иштироккунандагони даври чорякниҳоии мусобиқа муайян шуданд. Тоҷикистон дар ин давр, ки аз гурӯҳи худ (“С”) ғолиб шуда буд.

Бозии даври охирини гурӯҳи “С” миёни тимҳои миллии футзали Тоҷикистону Ҷопон 22-юми апрел дар шаҳри Бангкок, дар маҷмааи варзишии “Бангкок Арена”, доир гардида буд.

Бозиҳои дигари ин давр рӯзи имрӯз байни дастаҳои Эрон - Қирғизистон (14:00), Тайланд - Ироқ (16:00) ва Узбекистон - Ветнам (19:00) доир мегардад.

Бозиҳои ниманиҳоӣ рӯзи ҷумъаи 26-уми апрел ва бозии ниҳоӣ рӯзи якшанбеи 28-уми апрел баргузор мешаванд.

Бояд гуфт, ки мунтахаби Тоҷикистон бори дувоздаҳум дар таърихи худ дар марҳилаи ниҳоии Ҷоми Осиё ширкат мекунад ва бори сеюм аст, ки ба даври чорякниҳоӣ роҳ меёбад.