ВАРЗИШ
Шанбе 18 Май 2024 10:54
Киностудияи “Dream - Works” аввали солҳои 2000-ум чанд қисмати филми аниматсионии “Шрек”-ро рӯи саҳна овард, аммо бо чи дастаку далоиле коргардони филми аниматсионӣ дар бораи нафари воқеӣ ва варзишгари касбӣ будани қаҳрамони филми “Шрек” дар ҳеҷ ҷое маълумот надод. Вале ба сурати паҳлавон Морис Тиллет як нигоҳ кардан кифоя аст, то бифаҳмем, ки маҳз ӯ рассоми филмро ҳангоми кор кардан дар болои образи қаҳрамони асосӣ илҳом бахшидааст.
ЗИНДАГИНОМА
Морис Тиллет соли 1903 дар Русия, дар наздикии Челябинск дар оилаи фаронсавитабор ба дунё омадааст. Падари Морис тибқи шартнома дар сохтмони роҳи оҳани Транссибир ҳамчун муҳандис кор мекард. Модари писарбача ба фарзандони коргарони роҳи оҳан забони фаронсавиро таълим медод, ки он вақт ба он талабот зиёд буд.
Падари Морис хеле барвақт вафот кард ва модараш маҷбур шуд, ки писарро худаш тарбия кунад. Эҳтимол ба шарофати кӯшишҳои модараш буд, ки Тиллет забонҳоро дар кӯтоҳтарин фурсат аз худ кард ва дар синни 14-15 -солагӣ ба ҷуз аз фаронсавӣ ва русӣ, тавонист бо забонҳои англисӣ ва олмонӣ озод суҳбат кунад, ки дар умум донандаи 14 забон буд.
Баъди Инқилоби Октябр модару писар ба Фаронса баргаштанд ва дар он ҷо Морис коллеҷи бонуфузи Реймсро хатм карда, ба донишгоҳ дохил шуд. Оғози ҳаёти донишҷӯии Тие (лақаби Морис) бо бад шудани вазъи саломатиаш рост омад - ба Морис гирифтори акромегалия (бемории шадиди системаи нейроэндокринӣ ва ё ба истилоҳ афзоиши гормон) ташхис карда шуд.
МАРДИ БАДҲАЙБАТ
Ин беморӣ, ки боиси афзоиши аз ҳад зиёди устухонҳо мегардад, ба ин ҷавон монеъ нашуд, ки дар донишгоҳ таҳсил кунад. Ӯ баробари донишомӯзӣ, инчунин, ба намуди варзиши регби ҳам машғул буд. Кунун бо сабаби тағйири намуди зоҳирӣ, касби ҳуқуқшиносӣ, ки ҷавон орзуи онро дошт, бояд фаромӯш шавад, вақте ки симои Морис ба таври шинохтанашаванда тағйир ёфт, ӯ бо таассуф таҳсилро тарк карда, дар ҷустуҷӯи коре гардид, ки бояд симо дар он аҳамият надошта бошад. Ҳамин тавр, ҷавон дар флоти баҳри хизмат карданро интихоб кард ва давоми панҷ сол дар киштии ҳарбӣ механик шуда кор кард.
Маҳз дар флоти баҳрӣ Морис Тиллет ба гӯштин шавқу рағбат пайдо кард. Ҷусаи ниҳоят бузург ва дастони қавӣ ба ӯ кӯмак мекарданд, ки дилхоҳ сарбози киштиро ба фарш яксон намояд.
Морис дар аввал аз намуди зоҳирии худ бисёр шарм медошт ва ҳамеша кӯшиш мекард, худро аз чашми мардум пинҳон нигоҳ дорад. Аммо баъдан ин мард бо намуди зоҳирии худ тан дод ва ҳатто ба масхараи баъзе аз баддаҳонҳо одат кард. Баъд аз хатми кор дар флоти боҳрӣ аз ҷониби якчанд студияҳои филмофарӣ ба Морис пешниҳоди ҳамкорӣ шуд, ки ӯ низ бо камоли мамнуният қабул кард.
Бо қобилиятҳои худ Морис имкон дошт, ки танҳо дар филмҳои мазҳакавӣ бозӣ намуда, шуҳрати худро аз филм ба даст орад, аммо пас аз нақш дар даҳҳо филмҳои гуногун азимҷусса ба хулосае омад, ки нақшофарӣ кори ӯ нест ва бояд худро дар кори дигаре санҷиш намояд. Ӯ баъдан ба ҳайси посбони яке аз студияҳои филмофарӣ корро оғоз кард ва ҳангоми фориғ аз кор варзиш мекард, то усулҳое, ки ҳангоми хизмат дар флот омӯхта буд, аз ёд набарорад.
ВОХӮРИИ ТАҚДИРСОЗ
Ба эҳтимоли зиёд, ин мард то охири умр ба ҳайси посбон кор мекард ва таҷҳизотҳои наворбардориро посбонӣ мекард, агар вохӯрии тақдирсоз бо Карл Погелло, паҳлавони касбии гӯштини тарзи озод намешуд.
Карл, дурусттараш Каролис Позела дар Литва ба дунё омада, ба воя расидааст, аммо касби гӯштингирӣ ба ӯ имкон дод, ки дар саросари ҷаҳон сафар кунад. Погелло дар Аврупо, Амрикои Шимолӣ ва Ҷанубӣ, Чин ва Ҷопон баромад карда, соҳиби чандин унвону ҷоизаҳо гардида буд. Дар замони вохӯрӣ бо Тие варзишгар аллакай хатми корнома карда буду ба мураббигӣ машғул буд.
Каролис Позела дар яке аз вохӯриҳояш бо мухлисон дар Фаронса аз байни ҳозирон ҷуссаи азимеро мушоҳида кард, ки бо шавқ суханони ӯро гӯш мекунад. Позела дарҳол фаҳмид, ки дар рӯ ба рӯи ӯ алмоси воқеии гӯштин истодааст, ки бо обу тоб доданаш мешавад, зиннати беназиреро ҳосил кард.
Ҷавони фаронсавӣ барои муваффақ шудан дар олами варзишӣ ҳама чизи лозимиро дошт: қувваи ҷисмонӣ, намуди ғайриоддӣ, хушахлоқӣ ва муҳимтар аз ҳама таҷрибаи гӯштингирӣ. Морис пас аз каме дудилагӣ розӣ шуд, ки дар гӯштингирӣ қувваи худро бисанҷад. Бо ин таваккал Морис ба ҷуз курсии ларзон дар утоқи посбонҳо чизи дигареро гум намекард.
МУРАББИИ ҒАМХОР
Бо роҳбарии Позелаи пуртаҷриба Тие зуд ба пешравиҳои бузурги гӯштини тарзи озод даст ёфт. Морис ҳам як шогирди итоаткор ва тавре маълум шуд, як муборизи боис-теъдод баромад. Бинобар ин, кор кардан бо ӯ барои мураббӣ ҳаловат мебахшид.
Паҳлавони азимҷусса бо намуди ғайриоддӣ зуд дӯстдоштаи мухлисони гӯштин гардид. Морисе, ки чанд сол қабл мавриди мазҳакаи аврупоиён қарор дошт, акнун ба варзишгари дӯстдоштаи мардуми Амрико мубаддал гардид.
Бо шарофати корномаҳои бузург дар гӯштин Морис тавонист, бидуни мушкилот шаҳрвандии Амрикоро гирад. Бо доштани хислатҳои наҷиби инсонӣ ва хоксорӣ дар ИМА паҳлавон бо номи “фариштаи фаронсавӣ” маъруф шуд, ки амалҳои хубу инсониаш чеҳраи зишташро пушонида буданд.
Корномаи гӯштингирии Тиллет бист сол давом кард, ки дар давоми он Морис борҳо чемпиони Амрикову ҷаҳон гардид. Инчунин, варзишгар тули фаъолияти хеш бисёр намоишҳои хайрияро баргузор кард, ки даромади онҳо ба ятимон ва беморхонаҳо гузаронида шуд, дар ҳоле ки Морис як умр бо бемории шадиди гармонӣ мубориза мебурд.
МАРГИ УСТОДУ ШОГИРД
Дар тули солҳои кор, Тиа ва Позела дӯстони наздик шуданд ва Морис амалан узви оилаи мураббии худ буд. Тасодуфан, паҳлавон ва мураббии ӯ тақрибан дар як вақт мушкилоти саломатӣ доштанд - Карл гирифтори саратони шуш буд ва Морис аз гармонияи шадиди бадан азият мекашид. Ҳамин тавр, мураббии ғамхор Позела 4 сентябри соли 1954 вафот кард ва дӯсти ӯ Тие чанд соат пас аз гирифтани хабари ғамангези даргузашти устод ва дӯсти вафодораш аз сактаи қалб даргузашт.
ДАР САНГИ ГӮР
Қарор дода шуд, ки пас аз марг дӯстонро ҷудо накунанд. Бинобар ин, Карл ва Морисро дар қабристони Литва дар Каунти Кук дар як қабр дафн карданд. Дар санги гӯри онҳо ибораи кӯтоҳ, аммо пурмазмуне ҳаккокӣ шудааст, ки чунин мазмунро дорад: “ҳатто марг дӯстонро ҷудо карда наметавонад”.
ХУЛОСА
Варзишгари аҷоиб ва як шахси дорои хислатҳои наҷиб даргузашт, аммо қаҳрамоне, ки аз ҷониби аниматорҳои “DreamWorks” офарида шудааст, кӯмак кард, ки симои Морисро бо номи Шрек дар саросари ҷаҳон ва ихтирои миллионҳо бозичаҳо бо тасвири ӯ абадан зинда нигоҳ дорад. Ҳар боре, ки шумо Шреки сабзи хушодобро мебинед, Морис Тиллети пуршарафро ба ёд оред. Морис дар зиндагӣ марди хушбине буд ва ба ҷойи шикоят кардан, ки рӯзгор ба ӯ танҳо “лимуи турш” додааст, аз онҳо “лимонад” тайёр карданро моҳирона ёд гирифт ва аз ҳаёт лаззат бурд.
Яҳё МАҲМАДНАБИЕВ, "ҶТ"
ЗИНДАГИНОМА
Морис Тиллет соли 1903 дар Русия, дар наздикии Челябинск дар оилаи фаронсавитабор ба дунё омадааст. Падари Морис тибқи шартнома дар сохтмони роҳи оҳани Транссибир ҳамчун муҳандис кор мекард. Модари писарбача ба фарзандони коргарони роҳи оҳан забони фаронсавиро таълим медод, ки он вақт ба он талабот зиёд буд.
Падари Морис хеле барвақт вафот кард ва модараш маҷбур шуд, ки писарро худаш тарбия кунад. Эҳтимол ба шарофати кӯшишҳои модараш буд, ки Тиллет забонҳоро дар кӯтоҳтарин фурсат аз худ кард ва дар синни 14-15 -солагӣ ба ҷуз аз фаронсавӣ ва русӣ, тавонист бо забонҳои англисӣ ва олмонӣ озод суҳбат кунад, ки дар умум донандаи 14 забон буд.
Баъди Инқилоби Октябр модару писар ба Фаронса баргаштанд ва дар он ҷо Морис коллеҷи бонуфузи Реймсро хатм карда, ба донишгоҳ дохил шуд. Оғози ҳаёти донишҷӯии Тие (лақаби Морис) бо бад шудани вазъи саломатиаш рост омад - ба Морис гирифтори акромегалия (бемории шадиди системаи нейроэндокринӣ ва ё ба истилоҳ афзоиши гормон) ташхис карда шуд.
МАРДИ БАДҲАЙБАТ
Ин беморӣ, ки боиси афзоиши аз ҳад зиёди устухонҳо мегардад, ба ин ҷавон монеъ нашуд, ки дар донишгоҳ таҳсил кунад. Ӯ баробари донишомӯзӣ, инчунин, ба намуди варзиши регби ҳам машғул буд. Кунун бо сабаби тағйири намуди зоҳирӣ, касби ҳуқуқшиносӣ, ки ҷавон орзуи онро дошт, бояд фаромӯш шавад, вақте ки симои Морис ба таври шинохтанашаванда тағйир ёфт, ӯ бо таассуф таҳсилро тарк карда, дар ҷустуҷӯи коре гардид, ки бояд симо дар он аҳамият надошта бошад. Ҳамин тавр, ҷавон дар флоти баҳри хизмат карданро интихоб кард ва давоми панҷ сол дар киштии ҳарбӣ механик шуда кор кард.
Маҳз дар флоти баҳрӣ Морис Тиллет ба гӯштин шавқу рағбат пайдо кард. Ҷусаи ниҳоят бузург ва дастони қавӣ ба ӯ кӯмак мекарданд, ки дилхоҳ сарбози киштиро ба фарш яксон намояд.
Морис дар аввал аз намуди зоҳирии худ бисёр шарм медошт ва ҳамеша кӯшиш мекард, худро аз чашми мардум пинҳон нигоҳ дорад. Аммо баъдан ин мард бо намуди зоҳирии худ тан дод ва ҳатто ба масхараи баъзе аз баддаҳонҳо одат кард. Баъд аз хатми кор дар флоти боҳрӣ аз ҷониби якчанд студияҳои филмофарӣ ба Морис пешниҳоди ҳамкорӣ шуд, ки ӯ низ бо камоли мамнуният қабул кард.
Бо қобилиятҳои худ Морис имкон дошт, ки танҳо дар филмҳои мазҳакавӣ бозӣ намуда, шуҳрати худро аз филм ба даст орад, аммо пас аз нақш дар даҳҳо филмҳои гуногун азимҷусса ба хулосае омад, ки нақшофарӣ кори ӯ нест ва бояд худро дар кори дигаре санҷиш намояд. Ӯ баъдан ба ҳайси посбони яке аз студияҳои филмофарӣ корро оғоз кард ва ҳангоми фориғ аз кор варзиш мекард, то усулҳое, ки ҳангоми хизмат дар флот омӯхта буд, аз ёд набарорад.
ВОХӮРИИ ТАҚДИРСОЗ
Ба эҳтимоли зиёд, ин мард то охири умр ба ҳайси посбон кор мекард ва таҷҳизотҳои наворбардориро посбонӣ мекард, агар вохӯрии тақдирсоз бо Карл Погелло, паҳлавони касбии гӯштини тарзи озод намешуд.
Карл, дурусттараш Каролис Позела дар Литва ба дунё омада, ба воя расидааст, аммо касби гӯштингирӣ ба ӯ имкон дод, ки дар саросари ҷаҳон сафар кунад. Погелло дар Аврупо, Амрикои Шимолӣ ва Ҷанубӣ, Чин ва Ҷопон баромад карда, соҳиби чандин унвону ҷоизаҳо гардида буд. Дар замони вохӯрӣ бо Тие варзишгар аллакай хатми корнома карда буду ба мураббигӣ машғул буд.
Каролис Позела дар яке аз вохӯриҳояш бо мухлисон дар Фаронса аз байни ҳозирон ҷуссаи азимеро мушоҳида кард, ки бо шавқ суханони ӯро гӯш мекунад. Позела дарҳол фаҳмид, ки дар рӯ ба рӯи ӯ алмоси воқеии гӯштин истодааст, ки бо обу тоб доданаш мешавад, зиннати беназиреро ҳосил кард.
Ҷавони фаронсавӣ барои муваффақ шудан дар олами варзишӣ ҳама чизи лозимиро дошт: қувваи ҷисмонӣ, намуди ғайриоддӣ, хушахлоқӣ ва муҳимтар аз ҳама таҷрибаи гӯштингирӣ. Морис пас аз каме дудилагӣ розӣ шуд, ки дар гӯштингирӣ қувваи худро бисанҷад. Бо ин таваккал Морис ба ҷуз курсии ларзон дар утоқи посбонҳо чизи дигареро гум намекард.
МУРАББИИ ҒАМХОР
Бо роҳбарии Позелаи пуртаҷриба Тие зуд ба пешравиҳои бузурги гӯштини тарзи озод даст ёфт. Морис ҳам як шогирди итоаткор ва тавре маълум шуд, як муборизи боис-теъдод баромад. Бинобар ин, кор кардан бо ӯ барои мураббӣ ҳаловат мебахшид.
Паҳлавони азимҷусса бо намуди ғайриоддӣ зуд дӯстдоштаи мухлисони гӯштин гардид. Морисе, ки чанд сол қабл мавриди мазҳакаи аврупоиён қарор дошт, акнун ба варзишгари дӯстдоштаи мардуми Амрико мубаддал гардид.
Бо шарофати корномаҳои бузург дар гӯштин Морис тавонист, бидуни мушкилот шаҳрвандии Амрикоро гирад. Бо доштани хислатҳои наҷиби инсонӣ ва хоксорӣ дар ИМА паҳлавон бо номи “фариштаи фаронсавӣ” маъруф шуд, ки амалҳои хубу инсониаш чеҳраи зишташро пушонида буданд.
Корномаи гӯштингирии Тиллет бист сол давом кард, ки дар давоми он Морис борҳо чемпиони Амрикову ҷаҳон гардид. Инчунин, варзишгар тули фаъолияти хеш бисёр намоишҳои хайрияро баргузор кард, ки даромади онҳо ба ятимон ва беморхонаҳо гузаронида шуд, дар ҳоле ки Морис як умр бо бемории шадиди гармонӣ мубориза мебурд.
МАРГИ УСТОДУ ШОГИРД
Дар тули солҳои кор, Тиа ва Позела дӯстони наздик шуданд ва Морис амалан узви оилаи мураббии худ буд. Тасодуфан, паҳлавон ва мураббии ӯ тақрибан дар як вақт мушкилоти саломатӣ доштанд - Карл гирифтори саратони шуш буд ва Морис аз гармонияи шадиди бадан азият мекашид. Ҳамин тавр, мураббии ғамхор Позела 4 сентябри соли 1954 вафот кард ва дӯсти ӯ Тие чанд соат пас аз гирифтани хабари ғамангези даргузашти устод ва дӯсти вафодораш аз сактаи қалб даргузашт.
ДАР САНГИ ГӮР
Қарор дода шуд, ки пас аз марг дӯстонро ҷудо накунанд. Бинобар ин, Карл ва Морисро дар қабристони Литва дар Каунти Кук дар як қабр дафн карданд. Дар санги гӯри онҳо ибораи кӯтоҳ, аммо пурмазмуне ҳаккокӣ шудааст, ки чунин мазмунро дорад: “ҳатто марг дӯстонро ҷудо карда наметавонад”.
ХУЛОСА
Варзишгари аҷоиб ва як шахси дорои хислатҳои наҷиб даргузашт, аммо қаҳрамоне, ки аз ҷониби аниматорҳои “DreamWorks” офарида шудааст, кӯмак кард, ки симои Морисро бо номи Шрек дар саросари ҷаҳон ва ихтирои миллионҳо бозичаҳо бо тасвири ӯ абадан зинда нигоҳ дорад. Ҳар боре, ки шумо Шреки сабзи хушодобро мебинед, Морис Тиллети пуршарафро ба ёд оред. Морис дар зиндагӣ марди хушбине буд ва ба ҷойи шикоят кардан, ки рӯзгор ба ӯ танҳо “лимуи турш” додааст, аз онҳо “лимонад” тайёр карданро моҳирона ёд гирифт ва аз ҳаёт лаззат бурд.
Яҳё МАҲМАДНАБИЕВ, "ҶТ"
Хабарҳои дигар
Рӯзнома
Эзоҳи худро нависед