Дирӯз -6 май дар боғи фарҳангӣ-фароғатии ба номи Абӯабдуллоҳи Рӯдакӣ бо ташаббуси Мақомоти иҷроияи ҳокимияти давлатии шаҳри Душанбе дар ҳамкорӣ бо Кумитаи кор бо ҷавонон ва варзиши назди Ҳукумати Ҷумҳури Тоҷикистон таҳти ҳамин унвон ҳамоиши тантанавию фарҳангии ҷавонони шаҳри Душанбе баргузор гардид.

Дар чорабинӣ Одилзода Дилбар, муовини раиси шаҳри Душанбе ва Раҳимзода Шабнам, муовини аввали раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон суханронӣ намуда, ҳозиринро ба муносибати оғози моҳвораи ҷавонон муборакбод гуфтанд.

Гуфта шуд, ки бо дастгириву таваҷҷуҳ ва сиёсати ҷавонпарваронаи Президенти кишвар, Пешвои муаззами миллат, муҳтарам Эмомалӣ Раҳмон барои амалӣ гардидани ташаббусу иқдомҳои ҷавонон шароит ва имконияти фаррохе фароҳам оварда шудааст.

Ҳамзамон таъкид гардид, ки нақш ва мавқеи ҷавонон дар ҷомеаи кунунӣ мақоми асосиро касб намуда, фаъолияти ин қишри ояндасози кишвар дар пешбурди дилхоҳ соҳа ба таври назаррас эҳсос мегардад. Дар шароити пешрафти босуръати ҷомеаи зудтағйирёбанда, раванди ҷаҳонишавӣ ва бархӯрди манфиатҳои милливу умумибашарӣ, таваҷҷуҳи хоса зоҳир кардан ба имрӯзу ояндаи насли наврасу ҷавон яке аз масъалаҳои муҳиму саривақтӣ ба шумор меравад.

Сипас аз ҷониби аҳли фарҳангу санъати пойтахт сурудҳои таҷассумгари меҳру муҳаббати Ватан пешниҳоди иштирокчиёни чорабинӣ гардонида шуд.

Гулафшон КАРИМОВА, “ҶТ