Бахшида ба Рӯзи ҷавонони Тоҷикистон 19 май дар ноҳияи Муъминободи вилояти Хатлон мусобиқаи гӯштини миллӣ баргузор мегардад.

Дар ин бора аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.

Ба иттилоъи манбаъ дар мусобиқаи мазкур паҳлавонони тоҷик аз тамоми шаҳру ноҳияҳои кишвар иштирок намуда, бо ҳарифонашон рақобат менамоянд.
Ҳамчунин гуфта шуд, ки ғолибони ин мусобиқаи варзиширо туҳфҳо ба монанди мошинҳои сабукрав, асп, гов, гӯсфанд, телевизор, мошинаи ҷомашӯӣ, қолин, маблағҳои пулӣ ва ғайра интизор аст.

Наҷиба МУРОДБЕКОВА, “ҶТ”