ФАРҲАНГ
Сешанбе 16 Июн 2026 06:33
Имрӯз - 16 март дар Муассисаи давлатии “Осорхонаи миллӣ”-и Дастгоҳи иҷроияи Президенти Ҷумҳурии Тоҷикистон зери унвони “Сайри осорхона” баргузор гардид. Ин боздид бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Иттифоқи ҷавонони Тоҷикистон роҳандозӣ гардида, дар он Шабнам Раҳимзода, муовини аввали раиси Кумитаи кор бо ҷавонон ва варзиш, Иброҳимзода Зафаршо, директори Осорхонаи миллӣ, Сураҷ Чоршанбезода, Муҳаммадтолиб Шокирзода, муовинони раиси КҶВ, Раҷабалӣ Бобохонзода, сардори Раёсати кор бо ҷавонон ва варзиши шаҳри Душанбе, роҳбарону кормандони зерсохторҳои Кумита ва ҷавонони фаъол иштирок доштанд.
Ба таъкиди масъулин ҳадаф аз ин чорабнӣ ошноӣ бо ёдгориву бозёфтҳо ва мусаввараҳои асрҳои гуногуни таърихӣ аз дирӯз то имрӯз, инчунин туҳфаҳои хотиравӣ мебошад, ки метавонад ба баланд бардоштани сатҳи огоҳӣ аз таърихи гузаштаамон кӯмак намояд.
Зимни ошноӣ масъулон қайд намуданд, ки Осорхонаи миллӣ соли 2013 ифтитоҳ гардида, яке аз бузургтарин осорхонаҳо дар Осиёи Марказӣ маҳсуб мешавад.
Бинои Осорхона бо тарҳи замонавӣ ва унсурҳои меъмории миллӣ сохта шуда, аз чанд ошёна ва толорҳои зиёди намоишӣ иборат аст. Дар ин толорҳо ҳазорҳо ашёи нодири таърихӣ нигоҳдорӣ ва муаррифӣ мешаванд.
Гуфта шуд, ки дар байни экспонатҳои нодир ҳайкали машҳури Буддои хобида мавқеи хоса дорад. Ин ёдгории беназири таърихӣ аз мавзеъи бостонии Аҷинатеппа ёфт шуда, яке аз ёдгориҳои муҳимтарини фарҳанги буддоӣ дар минтақа ба ҳисоб меравад.
Дар идома, масъулин иброз доштанд, ки имрӯз дар фонди тиллоӣ ва толорҳои намоишии Осорхонаи миллии Тоҷикистон зиёда аз 1000 адад гулдӯзиҳои нодир ҳифз ва муаррифӣ карда мешаванд, ки аз ҷониби масъулони муассиса ҷамъоварӣ шудаанд.
Ба гуфтаи онҳо яке аз шоҳкориҳои нодири гулдӯзии тоҷикон дар Осорхонаи миллӣ ин чодар ё худ гулдӯзии чакандӯзӣ мебошад, ки онро чор нафар чеварони хушсалиқаи шаҳри Кӯлоб дар муддати шаш моҳ бо андозаи 6×6 метр офаридаанд.
Ҳамчунин, дар идома иштирокчиён бо намунаи нодири зарфи обгирӣ бо навиштаҷоти "Бохтарӣ" шинос шуданд , ки он аз бозёфтҳои муҳимми таърихӣ ба шумор рафта, аҳамияти илмии сатҳи чаҳонӣ дорад.
Дар қисмати болоии бадани зарф навиштаҷот бо забони кадимаи "бохтарӣ" навишта шудааст, ки дар шакли пурра ва ҳолати хуб боқӣ мондааст.
Тавре масъулон изҳор доштанд, обгири сафолӣ соли 2025 аз ҷониби кормандони Осорхонаи милли ҳангоми ҳафриётҳои бостоншиносӣ ба даст омада, мансуби асрҳои І-ІІІ милодӣ мебошад.
Ҳамзамон, бояд гуфт, ки яке аз бахшҳои ҷолиби осорхона бахши табиати Тоҷикистон мебошад, ки дар он гуногунии набототу ҳайвоноти кишвар муаррифӣ мегардад. Ин бахш барои шиносоии меҳмонон бо олами табиии кишвар аҳамияти калон дорад.
Гулафшон КАРИМОВА, Рустам САМИЕВ, “ҶТ”
Ба таъкиди масъулин ҳадаф аз ин чорабнӣ ошноӣ бо ёдгориву бозёфтҳо ва мусаввараҳои асрҳои гуногуни таърихӣ аз дирӯз то имрӯз, инчунин туҳфаҳои хотиравӣ мебошад, ки метавонад ба баланд бардоштани сатҳи огоҳӣ аз таърихи гузаштаамон кӯмак намояд.
Зимни ошноӣ масъулон қайд намуданд, ки Осорхонаи миллӣ соли 2013 ифтитоҳ гардида, яке аз бузургтарин осорхонаҳо дар Осиёи Марказӣ маҳсуб мешавад.
Бинои Осорхона бо тарҳи замонавӣ ва унсурҳои меъмории миллӣ сохта шуда, аз чанд ошёна ва толорҳои зиёди намоишӣ иборат аст. Дар ин толорҳо ҳазорҳо ашёи нодири таърихӣ нигоҳдорӣ ва муаррифӣ мешаванд.
Гуфта шуд, ки дар байни экспонатҳои нодир ҳайкали машҳури Буддои хобида мавқеи хоса дорад. Ин ёдгории беназири таърихӣ аз мавзеъи бостонии Аҷинатеппа ёфт шуда, яке аз ёдгориҳои муҳимтарини фарҳанги буддоӣ дар минтақа ба ҳисоб меравад.
Дар идома, масъулин иброз доштанд, ки имрӯз дар фонди тиллоӣ ва толорҳои намоишии Осорхонаи миллии Тоҷикистон зиёда аз 1000 адад гулдӯзиҳои нодир ҳифз ва муаррифӣ карда мешаванд, ки аз ҷониби масъулони муассиса ҷамъоварӣ шудаанд.
Ба гуфтаи онҳо яке аз шоҳкориҳои нодири гулдӯзии тоҷикон дар Осорхонаи миллӣ ин чодар ё худ гулдӯзии чакандӯзӣ мебошад, ки онро чор нафар чеварони хушсалиқаи шаҳри Кӯлоб дар муддати шаш моҳ бо андозаи 6×6 метр офаридаанд.
Ҳамчунин, дар идома иштирокчиён бо намунаи нодири зарфи обгирӣ бо навиштаҷоти "Бохтарӣ" шинос шуданд , ки он аз бозёфтҳои муҳимми таърихӣ ба шумор рафта, аҳамияти илмии сатҳи чаҳонӣ дорад.
Дар қисмати болоии бадани зарф навиштаҷот бо забони кадимаи "бохтарӣ" навишта шудааст, ки дар шакли пурра ва ҳолати хуб боқӣ мондааст.
Тавре масъулон изҳор доштанд, обгири сафолӣ соли 2025 аз ҷониби кормандони Осорхонаи милли ҳангоми ҳафриётҳои бостоншиносӣ ба даст омада, мансуби асрҳои І-ІІІ милодӣ мебошад.
Ҳамзамон, бояд гуфт, ки яке аз бахшҳои ҷолиби осорхона бахши табиати Тоҷикистон мебошад, ки дар он гуногунии набототу ҳайвоноти кишвар муаррифӣ мегардад. Ин бахш барои шиносоии меҳмонон бо олами табиии кишвар аҳамияти калон дорад.
Гулафшон КАРИМОВА, Рустам САМИЕВ, “ҶТ”
Хабарҳои дигар
Рӯзнома
Эзоҳи худро нависед