ФАРҲАНГ
Душанбе 24 Июн 2024 09:51
10368
Мақомоти иҷроияи ҳокимияти давлатии шаҳри Душанбе озмунҳои “Беҳтарин ролики сайёҳии шаҳри Душанбе” ва “Беҳтарин акси шаҳри Душанбе”-ро эълон кард.

Дар ин бора аз дафтари матбуоти раиси шаҳр иттилоъ доданд.

Озмуни “Беҳтарин ролики сайёҳии шаҳри Душанбе” бо мақсади тарғибу ташвиқи имконоти сайёҳии пойтахт ташкил шуда, мазмуни роликҳои пешниҳодшуда бояд рушди имкониятҳои сайёҳии пойтахт ва фарҳангу таърихи миллати тоҷикро инъикос намояд. Давомнокии ҳар ролик то 3 дақиқа буда, иштирокчиён танҳо як ролик пешниҳод карда метавонанд.

Аксҳои ба озмуни “Беҳтарин акси шаҳри Душанбе” пешниҳодгардида низ бояд таҷассумгари имкониятҳои сайёҳии пойтахт бошаду, бо сифати баланд аксбардорӣ гардад. Ҳар иштирокчӣ имкон дорад то 5 адад акс пешниҳод намояд.

Ғолибони ҷойи якуми ҳар ду озмунро 5 000 сомонӣ, ҷойи дуюм — 3 000 сомонӣ ва ҷойи сеюм – 2000 интизор аст.

Иштирокчиёни озмуни “Беҳтарин ролики сайёҳии шаҳри Душанбе” роликҳои омодакардаи худро метавонанд ба почтаи электронии rushdi.sayohi@gmail.com ва телеграми 917-37-07-07 ирсол намоянд.

Аксҳо барои озмуни «Беҳтарин акси шаҳри Душанбе” бояд ба почтаи электронии rushdi.sayohi@gmail.com ва телеграми 003-88-16-16 фиристода шаванд.
Марҳилаи қабули ролику аксҳо то 10 июн идома меёбад.

Эзоҳи худро нависед



Рамзҳо дар расм