ҶАВОНОН
Якшанбе 07 Июн 2026 04:00
30-юми ноябр дар Донишгоҳи славянии Русияву Тоҷикистон (ДСРТ) таҳти унвони “Мо – ояндаи давлат”, форуми ҷумҳуриявии донишҷӯёни кишвар доир гардид.
Форуми мазкур бахшида ба “Соли ҷавонон”, дар асоси лоиҳаи “Дар меҳмонии ректор”, ки аз ҷониби Кумитаи кор бо ҷавонон ва варзиш ва Вазорати маориф ва илм таҳия шудааст, доир гардида, дар он як гурӯҳ донишҷӯён аз тамоми манотиқи кишвар ҷамъ омада бунанд.
Нуралӣ Салиҳов, ректори Донишгоҳ ба форум ҳусни оғоз бахшида, аз ҳар як иштирокчӣ барои пазируфтан ва ширкат дар ин форум изҳори сипос намуд.
Аҳтам Абдуллозода, раиси Кумитаи кор бо ҷавонон ва варзиш тамоми иштирокчиён ва ҷавонони кишварро ба “Соли ҷавонон” самимона табрик гуфта, баргузор гардидани чунин форумҳоро барои онҳо имкони хуби муаррифӣ ва баҳамоӣ ном бурд. “Тӯли як сол аст, ки мо дар ҷустуҷӯи идеяҳои нав дар самти сиёсати давлатии ҷавонон ҳастем, то ки соли 2017 ҳамчун як давраи оғози фаъолияти пурмаҳсули ҷавонон гардида, аз ёди ҷавонони кишвар зудуда нагардад. Лоиҳаи “Дар меҳмонии ректор” низ ҳамчун як лоиҳаи ҷадид дар самти тарбияи ҷавонон ба нақша гирифта шудааст”, - афзуд раиси Кумита.
Профессори ДСРТ Абдусамад Самиев дар мавзӯи “Нақши Иҷлосияи XVI-уми Шӯрои олии Ҷумҳурии Тоҷикистон дар тарбияи меҳанпарастӣ ва ватандӯстии ҷавонон” тариқи слайдҳо маърӯза намуда, нақши ин иҷлосияро дар бунёдӣ давлати навини тоҷикон хеле муҳим арзёбӣ кард.
Баъд аз қисмати расмӣ ва ироаи маърӯзаҳо аз ҷониби ансамбли “Славяне”-и ДСРТ барои болидаруҳӣ барномаи фарҳангӣ пешниҳоди иштирокчиён шуд.
Дар қисмати дигар ғолибони озмуни “Кӯдакони нобиға” (“GeniusKid-2017”) Гулнора Назаршоева, Ёсуман Исмонзода ва Манижа Тошболтаева бо иштирокчиён вохӯрӣ намуданд.
Форум давоми ду рӯз идома пайдо карда, ҳамчун як майдони ба ҳам овардани нерӯи зеҳнӣ, муттаҳидкунандаи қувва, табодули афкору андеша ва шиносоӣ дар зеҳни ҷавонон нақш хоҳад баст.
Тибқи нақша лоиҳаи мазкур дар севуним соли оянда бояд амалӣ гардад ва ҳар моҳ як ректори муассисаи олии касбии мамлакат то се нафар донишҷӯро аз дигар муассисаҳои олии касбӣ даъват мекунад ва зимни мулоқоту вохӯриҳо табодули таҷриба, афкор, донишҳо ва баҳсу мунозираҳои зиёд дар мавзӯи ватанпарастӣ ба амал хоҳад омад.
Ёдовар мешавем, ки ташаббуси лоиҳаи “Дар меҳмонии ректор” аз ҷониби Кумитаи кор бо ҷавонон ва варзиши назди Ҳукумати ҷумҳурӣ роҳандозӣ шудааст.
Форуми мазкур бахшида ба “Соли ҷавонон”, дар асоси лоиҳаи “Дар меҳмонии ректор”, ки аз ҷониби Кумитаи кор бо ҷавонон ва варзиш ва Вазорати маориф ва илм таҳия шудааст, доир гардида, дар он як гурӯҳ донишҷӯён аз тамоми манотиқи кишвар ҷамъ омада бунанд.
Нуралӣ Салиҳов, ректори Донишгоҳ ба форум ҳусни оғоз бахшида, аз ҳар як иштирокчӣ барои пазируфтан ва ширкат дар ин форум изҳори сипос намуд.
Аҳтам Абдуллозода, раиси Кумитаи кор бо ҷавонон ва варзиш тамоми иштирокчиён ва ҷавонони кишварро ба “Соли ҷавонон” самимона табрик гуфта, баргузор гардидани чунин форумҳоро барои онҳо имкони хуби муаррифӣ ва баҳамоӣ ном бурд. “Тӯли як сол аст, ки мо дар ҷустуҷӯи идеяҳои нав дар самти сиёсати давлатии ҷавонон ҳастем, то ки соли 2017 ҳамчун як давраи оғози фаъолияти пурмаҳсули ҷавонон гардида, аз ёди ҷавонони кишвар зудуда нагардад. Лоиҳаи “Дар меҳмонии ректор” низ ҳамчун як лоиҳаи ҷадид дар самти тарбияи ҷавонон ба нақша гирифта шудааст”, - афзуд раиси Кумита.
Профессори ДСРТ Абдусамад Самиев дар мавзӯи “Нақши Иҷлосияи XVI-уми Шӯрои олии Ҷумҳурии Тоҷикистон дар тарбияи меҳанпарастӣ ва ватандӯстии ҷавонон” тариқи слайдҳо маърӯза намуда, нақши ин иҷлосияро дар бунёдӣ давлати навини тоҷикон хеле муҳим арзёбӣ кард.
Баъд аз қисмати расмӣ ва ироаи маърӯзаҳо аз ҷониби ансамбли “Славяне”-и ДСРТ барои болидаруҳӣ барномаи фарҳангӣ пешниҳоди иштирокчиён шуд.
Дар қисмати дигар ғолибони озмуни “Кӯдакони нобиға” (“GeniusKid-2017”) Гулнора Назаршоева, Ёсуман Исмонзода ва Манижа Тошболтаева бо иштирокчиён вохӯрӣ намуданд.
Форум давоми ду рӯз идома пайдо карда, ҳамчун як майдони ба ҳам овардани нерӯи зеҳнӣ, муттаҳидкунандаи қувва, табодули афкору андеша ва шиносоӣ дар зеҳни ҷавонон нақш хоҳад баст.
Тибқи нақша лоиҳаи мазкур дар севуним соли оянда бояд амалӣ гардад ва ҳар моҳ як ректори муассисаи олии касбии мамлакат то се нафар донишҷӯро аз дигар муассисаҳои олии касбӣ даъват мекунад ва зимни мулоқоту вохӯриҳо табодули таҷриба, афкор, донишҳо ва баҳсу мунозираҳои зиёд дар мавзӯи ватанпарастӣ ба амал хоҳад омад.
Ёдовар мешавем, ки ташаббуси лоиҳаи “Дар меҳмонии ректор” аз ҷониби Кумитаи кор бо ҷавонон ва варзиши назди Ҳукумати ҷумҳурӣ роҳандозӣ шудааст.
Хабарҳои дигар
Рӯзнома
Эзоҳи худро нависед