Бахшида ба Рӯзи волонтиёрон ва “Соли ҷавонон” дар ноҳияи Рӯшон байни ҷавонон мусобиқаи баскетбол баргузор гардид.

Ба гуфтаи Шӯҳрат Алиев, сармутахассиси Бахши кор бо ҷавонон ва варзиши ноҳия, дар мусобиқа 6 даста: “Барӯшон”, “Дерзуд”, “Мактаби варзишӣ”, “Вамар–1”, “Вамар-2” ва “Мактаб–интернати ҷумҳуриявӣ” миёни ҳам рақобат намуданд.

Дар даври ниҳоӣ тими “Вомар -1” соҳиби ҷои аввал шуда, “Вамар - 2” зинаи дуюмро касб намуд ва “Мактаби варзишӣ” бошад, ҷои сеюмро ишғол кард.

Барои ғолибон аз тарафи Бахш туҳфаҳои хотиравӣ тақдим гардид.