Аз 14-ум то 16-уми феврали соли 2025 дар Боку мусобиқаи бонуфузи “GRAND SLAM” баргузор мегардад, ки кишвари моро дар ин мусобиқа 6 варзишгар намояндагӣ хоҳад кард.

Дар ин бора сомонаи расмии Федератсияи ҷудои кишвар иттилоъ дод.

Мувофиқи иттилои манбаъ то имрӯз дар мусобиқа 284 варзишгар аз 40 кишвар номнавис шудаанд. Варзишгарони зерин Тоҷикистонро дар мусобиқаи мазкур намояндагӣ мекунанд:

Абубакр Шеров - вазни то 73 кг
Муҳиддин Асадуллоев – вазни то 73 кг
Беҳрӯзи Хоҷазода – вазни то 81 кг
Сомон Маҳмадбеков – вазни то 81 кг
Ҷаҳонгир Маҷидов – вазни то 100 кг
Кароматулло Ҳакимов – вазни то 100 кг

Аз миёни варзишгарони номбаршуда Беҳрӯз Хоҷазода бори аввал дар вазни ҷадиди худ вориди майдони рақобат хоҳад шуд. Ӯ то ин замон дар вазни то 73 кг ҳунарнамоӣ мекард ва ин аввалин мусобиқаи ӯ дар вазни то 81 кг мебошад.

Ҳошим РАҲМАТУЛЛОЕВ, “ҶТ”