Бо ташаббуси Бахши кор бо ҷавонон ва варзиши ноҳияи Бобоҷон Ғафуров дар майдончаи варзишии “Ҷавонӣ”–и ноҳия, рӯзҳои 8-9 январ, мусобиқаи футболи хурд миёни хонандагони муасссисаҳои таҳсилоти миёнаи умумӣ баргузор шуд.

Мусобиқа бо мақсади таҳкими тарзи ҳаёти солим, рушду инкишофи соҳаи варзиш ва оммавияти он байни наврасону ҷавонон доир гардида, дар он 8 даста аз муасссисаҳои таҳсилоти миёнаи умумӣ иштирок намуданд.

Пас аз қувваозмоиҳо ғолибони мусобиқа муайян гардида, дар охир бо диплом ва медал сарфароз гардонида шуданд.

Ҳамзамон чунин мусобиқа миёни хонандагон дар мактабҳои варзишии №1 ва 2-и ноҳия низ баргузор гардида, ғолибони мусобиқа бо ҷом, диплом ва медал қадрдонӣ гардиданд.