5 апрел дар қасри Теннис ва маҷмааи варзиши обии шаҳри Душанбе бахшида ба Рӯзи пойтахт барои дарёфти “Ҷоми Раиси шаҳри Душанбе” Мусобиқаи ҳафтуми байналмилалӣ оид ба гӯштингирӣ баргузор мешавад.

Дар мусобиқаи мазкур паҳлавонони зиёда аз 25 давлати ҷаҳон аз рӯйи вазнҳои то 65кг, 78кг, 86 кг ва +86кг байни мардон ва миёни занон дар вазни то 70 кг барои ҷойҳои ифтихорӣ бо ҳам рақобат менамоянд.

Ҷоизаи умумии мусобиқа 100 ҳазор доллари амрикоиро ташкил медиҳад.

Ғолибони ҷойи аввал соҳиби 10 ҳазор доллар, ҷойи дуюм 5 ҳазор доллар ва ҷойҳои сеюм соҳиби 2 ҳазору 500 доллари амрикоӣ мегарданд.

Шаҳноза АЗИМОВА, “ҶТ”