ҶОМЕА
Душанбе 15 Июн 2026 01:38
Давоми қариб якуним соли охир дар ноҳияи Шаҳристон сокинон аз ҳисоби маблағҳои сафари ҳаҷ беш аз 3 миллиону 500 ҳазор сомонӣ ба корҳои ободониву созандагии диёрашон равона намудаанд, ки ин тасмим дар шаҳру ноҳияҳои вилояти Суғд шоиста ва намунаи пайравӣ дониста мешавад. Зеро саҳмгузорӣ дар корҳои ободониву созандагӣ дар баробари аҷру савоби зиёд доштанаш, нишонаи худшиносӣ, худогоҳӣ ва ватандӯстии ҳар фарди ташаббускорро нишон медиҳад. Бахусус, дар “Соли вусъати корҳои ободониву созандагӣ ва таҳкиму тақвияти худшиносиву худогоҳии миллӣ” дар соли таърихии 35-солагии Истиқлоли давлатӣ саҳмгузорӣ дар корҳои созандагӣ дар ноҳияи Шаҳристон ба як амали маъмулӣ ва ифтихорафзо табдил ёфтааст.
АЗ МАРД МОНАД...
Як амали ватандӯстонаву ибратбахши Абдуҷаббор Алибоев, сокини деҳоти Шаҳристони ноҳияи Шаҳристон ӯро бештар миёни ҷомеа маълуму машҳур намудааст. Ин марди худогоҳу хештаншинос аз ҳисоби маблағҳои барои ҳаҷ ҷамъовардааш дар ободии роҳи деҳа, ки солҳои зиёд ҳолати ногувор дошт, саҳмгузорӣ намудааст. Ташаббуси Абдуҷаббор Алибоев боиси он гардид, ки дар пайравӣ ба ӯ сокинон бештар дар корҳои ободии деҳа саҳм гузоранд ва тасмим гирифта шуд, ки роҳи деҳа ба масофаи 3 километр пурра мумфарш карда шавад. Ин тадбир барои хурду бузург боиси хушнудӣ гардид. Чунки дар ҳамаи фасли сол ҳаракат дар ин масир боиси ташвиши сокинон буд.
Беҳуда бузургони мо нагуфтаанд, ки кори неку номи нек номи инсонҳоро ҷовидона мегардонад. Аз ин хотир, амалҳои хайру эҳсон, саҳмгузорӣ дар ободии диёр аз ҷумлаи фазилатҳои инсонӣ, амалҳои шоиставу хислатҳои наҷиб пазируфта шуда, он дар ҳама давру замон ба таври шоиста тарғибу ташвиқ карда мешавад. Зеро чунин нафарон бо амалҳои накӯву бунёдкоронаашон дар баробари аҷру савоби зиёд, намунаи ибрат ба дигарон мешаванд ва дар пайравӣ ба чунин ашхоси хайрхоҳу ободкор садҳо нафари дигар тасмими созандагӣ пеша намуда, бо ин васила як гӯшаи диёр ободу зебо мегардад. Мисоли ин гуфтаҳоро метавон имрӯз дар ноҳияи Шаҳристон мушоҳида намуд.
ОМӮЗГОРЕ, КИ ҲАҶ НАРАФТУ ДАР ОБОДИИ ДИЁР САҲМ ГУЗОШТ
Баъди суҳбат бо нафарони зиёд ба хулоса омадем, ки дар деҳаи Чашмасори ноҳияи Шаҳристон оилаи Абдуҷаббор Алибоевро ҳамчун оилаи намунавӣ, соҳибмаърифату ватандӯст мешиносанду эътироф намудаанд. Шоҳсутуни оила Абдуҷаббор, ки ба синни 70 расидааст, беш аз 40 сол ҳамчун омӯзгор дар муассисаҳои таҳсилоти миёнаи умумии №33 ва 6 ноҳияи Шаҳристон фаъолият намуда, дар тарбияи наслҳои гуногун саҳм гузоштааст. Номбурда ба масъалаи оилаву оиладорӣ эътибори махсус додаааст ва ҳамин буд, ки шаш фарзанди худро дар руҳияи ватандӯстӣ ба камол расонид. Имрӯз фарзандонаш кору пайкори ӯро давом медиҳанд.
Дар деҳаи Чашмасор Абдусалом Алибоев, фарзанди Абдуҷаббор Алибоевро ҳамчун давомдиҳандаи кори падар мешиносанд. Номбурда касби пурифтихори омӯзгориро пеша намуда, имрӯз дар муассисаи таҳсилоти миёнаи умумии №6 ба номи Комилҷон Ғаниев фаъолият дорад. Ӯ мегӯяд, ки аз тасмими падараш, ки ҳаҷ нарафта, аз ин ҳисоб 50 ҳазор сомонӣ барои мумфарш намудани роҳи деҳа маблағ равона намудааст, хеле шоду ифтихор мекунад. Зеро саҳмгузорӣ дар ободии диёр нишонаи ватандӯстӣ ва амали нек буда, подоши зиёд дорад.
- Падарам моро дар оила ҳамеша дар руҳияи баланди ватандӯстӣ ва ифтихор аз ин ватани ободу озод тарбия намудаанд. Ҳамин буд, ки мо соҳиби маълумоти олӣ шудем ва имрӯз дар иҷрои вазифаҳои худ масъулияти дучанд ҳис мекунем. Бо падари худ ифтихор мекунам ва аз ҳар тасмимашон ҳамеша шод мешавам. Чанде пеш падар ба қароре омаданд, ки аз ҳисоби маблағҳои барои сафари ҳаҷ ҷамъовардаашонро ба корҳои ободонӣ равона месозанд.
Падарам, ки омӯзгор ҳастанд, ҳамеша рӯзномаву маҷалла мехонанд, аз ҳаводиси рӯз тавассути ВАО бохабар ҳастанд. Ҳидоятҳои Пешвои миллатро, ки ҳамеша саҳмгузорӣ дар корҳои ободониву созандагиро намунаи олии ватандӯстона медонанд, сармашқи кори худ намудаанд. Фирк мекунам, ки ҳамин ҳидоятҳои Сарвари давлат муҳтарам Эмомалӣ Раҳмон боиси он гардид, ки падарам саҳмгузорӣ дар корҳои ободониро афзалтар донистанд ва 50 ҳазор сомонӣ барои ободии роҳи деҳа равона созанд. Ин роҳ, ки мумфарш мешавад, солҳои зиёд ба мардуми мо, ба мо ва фарзандони мо хизмат мекунад ва ин аҷру савоби зиёд дорад, - мегӯяд фарзанди омӯзгор.
ФАРЗАНДОНИ ОБОДКОРИ ДЕҲАИ ЧАШМАСОР
Сокинони деҳаи Чашмасори ноҳияи Шаҳристон зимни суҳбат таъкид намуданд, ки ноҳияи Шаҳристон дар замони соҳибистиқлолӣ бо таваҷҷуҳ ва ғамхориҳои пайвастаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ободу зебо гардида, барои кору зиндагии мардум шароити арзанда фароҳам оварда шудааст. Онҳо бо шукргузории зиёд мегӯянд, ки аз файзи Истиқлол деҳаи Чашмасор ҳам рӯз аз рӯз ободу зебо гардида, симои худро куллан тағйир додааст. Ҳоло ба ифтихори ҷашни 35-солагии Истиқлоли давлатӣ тадбирҳои созандагӣ вусъати тоза касб намуда, роҳҳо таъмиру мумфарш, иншооти таъиноти гуногун бунёду мавриди истифода қарор мегиранд.
Саҳмгузории дастаҷамъона дар ободии деҳа ба як амали ҳамешагии сокинон табдил ёфта, ахиран тасмим гирифта шудааст, ки роҳи деҳаро пурра мумфарш намуда, бо ин васила бехатарии ҳаракати нақлиёт таъмин карда мешавад. Сокинони деҳаи Чашмасор оилаи Абдуҷаббор Алибоевро ҳамчун пешсафони ободкору дӯстдорони ватан мешиносанд. Зеро чунин амалҳои наҷибу ибратбахш дар байни ҳамдеҳагон ҳамовозӣ пайдо намуда, боиси ободу зебо гардидани диёрашон шудааст. Мардуми ин деҳаи зебоманзар тасмим доранд, ки санаи муҳими таърихӣ, 35-солагии Истиқлоли давлатиро бо дастовардҳои шоиста ва корҳои ободониву созандагӣ пешвоз гиранд. Барои ин тамоми шароит мавҷуд буда, эҳсоси масъулият ва ифтихор аз ватани ободу озод аз омилҳои муттаҳидкунанда дониста мешавад.
3 МИЛЛИОНУ 500 ҲАЗОР СОМОНӢ БА КОРҲОИ ОБОДОНӢ
Бино ба иттилои масъулини Мақомоти иҷроияи ҳокимияти давлатии ноҳияи Шаҳристон давоми соли 2025 ва 5 моҳи соли равон 110 нафар сокинони деҳоти Шаҳристон ва Бунҷикат аз ҳисоби маблағҳои барои сафари ҳаҷ ҷамъовардаашон ба корҳои ободониву созандагӣ равон намудаанд. Ҷамъи маблағҳои ба корҳои бунёдкорӣ равонашуда беш аз 3 миллиону 500 ҳазор сомонӣ арзёбӣ мешавад. Ин охири кор набуда, шахсони саховатпеша саҳмгузорӣ дар ободии диёрро қарзи шаҳрвандӣ ва авлотар аз дигар амалҳо медонанд. Зеро онҳо хуб дарк намудаанд, ки бунёди роҳ, купрук, беҳтар намудани вазъи таъминоти об, бунёди мактабу кӯдакистонҳо ва дигар иншооти зарурӣ аҷру подоши зиёд дорад. Гузашта аз ин, сокинон бо ин амалашон барои ҳамдеҳагони худ, фарзанду пайвандонашон шароити беҳтари кору таҳсил, истироҳату фароғат, машғул шудан ба варзиш ва солимгардонӣ, дигар имконоти хуби зиндагиро фароҳам меоваранд. Номи ҳар яки онҳо дар лавҳи хотироти мардум то абад боқӣ мемонад.
НАЗАРИ ХОДИМОНИ ДИН
Ба назари ходимони дин, саҳмгузорӣ дар корҳои ободониву созандагии диёр подоши зиёд дорад ва чунин амалҳои солеҳ нишонаи ватандӯстӣ ва худшиносии шаҳрвандон аст. Гуфта мешавад, ки солҳои охир дар партави ҳидоятҳои Пешвои миллат муҳтарам Эмомалӣ Раҳмон сафи нафароне, ки маблағҳои барои сафари ҳаҷ ҷамъовардаашонро ба корҳои ободониву созандагӣ равона менамоянд, хеле зиёд шудааст. Ин гувоҳи он аст, ки сокинони мамлакат моҳияти масъаларо хуб дарк намуда, тавофи қаъбаи дилро аз дигар амалҳо болотару афзалтар медонанд.
Мавриди ёдоварист, ки моҳи марти соли 2024 зимни мулоқот бо фаъолон, намояндагони ҷомеа ва ходимони дини кишвар Пешвои миллат муҳтарам Эмомалӣ Раҳмон таъкид намуда буданд, ки “дар натиҷаи дарки арзишҳои миллӣ ва фарҳангу ахлоқи ҳамидаи мардумамон тайи беш аз 30 соли соҳибистиқлолии кишварамон ҳазорон нафар соҳибкорону тоҷирон, шахсони саховатпеша ва афроди бонангу номуси ҷомеа сиёсати инсондӯстонаи иҷтимоии давлату Ҳукуматро дастгирӣ карда, бисёр иқдомҳои савобу созандаро анҷом доданд.
Онҳо то имрӯз ҳазорон мактабу кӯдакистон, беморхонаву бунгоҳҳои тиббӣ, роҳу пулҳо, коргоҳу корхонаҳои саноатӣ ва дигар иншооти таъиноти иқтисодиву иҷтимоӣ бунёд карда, садҳо ҳазор сокинони мамлакатро бо ҷойи корӣ таъмин намуданд, ҳар сол чор-панҷ маротиба ба оилаҳои ниёзманд ва ятимону маъюбон кумак расониданд ва ҳоло боз бисёр корҳои хайру савобро анҷом дода истодаанд.
Ана ин аст кори савобу амали хайр, ки боиси ризоияти Худованд мегардад, савобу самараи онҳо ба ҳафт пушти инсон мерасад ва дар номаи аъмоли ҳам худашон ва ҳам гузаштагонашон, ки ин гуна фарзандони солеҳро ба камол расонидаанд, навишта мешавад”.
Метавон хулоса намуд, ки давлату Ҳукумат хизматҳои шоён, саҳмгузорӣ дар корҳои ободониву созандагӣ дар ватанро ҳамеша қадр мекунад. Изҳори сипос намудани Пешвои миллат ба ҳамаи онҳое, ки корҳои хайру савоб анҷом дода, дар ободии диёри худ саҳм мегузоранд, худ нишонаи таваҷҷуҳи Ҳукумати Ҷумҳурии Тоҷикистон ба ашхоси бунёдкору саховатпеша мебошад.
Сокини ноҳияи Шаҳристон Абдуҷаббор Алибоев ин ҳидоятҳои Президенти мамлакатро сармашки кору зиндагӣ қарор дода, саҳмгузорӣ дар корҳои ободониву созандагии деҳаро амали муҳим ва савоб донист, амале, ки омӯзгори собиқадорро бештар миёни ҷомеа маълуму машҳур намуд. Фарзандони ӯ падари хешро қаҳрамони зиндагии худ мешуморанд. Қаҳрамоне, ки бо рафтори нек, гуфтору пиндори некаш идеали фарзандону пайвандон ва ҳамдеҳагонаш шудааст.
Субҳиддин ҚОДИРОВ, “ҶТ”
АЗ МАРД МОНАД...
Як амали ватандӯстонаву ибратбахши Абдуҷаббор Алибоев, сокини деҳоти Шаҳристони ноҳияи Шаҳристон ӯро бештар миёни ҷомеа маълуму машҳур намудааст. Ин марди худогоҳу хештаншинос аз ҳисоби маблағҳои барои ҳаҷ ҷамъовардааш дар ободии роҳи деҳа, ки солҳои зиёд ҳолати ногувор дошт, саҳмгузорӣ намудааст. Ташаббуси Абдуҷаббор Алибоев боиси он гардид, ки дар пайравӣ ба ӯ сокинон бештар дар корҳои ободии деҳа саҳм гузоранд ва тасмим гирифта шуд, ки роҳи деҳа ба масофаи 3 километр пурра мумфарш карда шавад. Ин тадбир барои хурду бузург боиси хушнудӣ гардид. Чунки дар ҳамаи фасли сол ҳаракат дар ин масир боиси ташвиши сокинон буд.
Беҳуда бузургони мо нагуфтаанд, ки кори неку номи нек номи инсонҳоро ҷовидона мегардонад. Аз ин хотир, амалҳои хайру эҳсон, саҳмгузорӣ дар ободии диёр аз ҷумлаи фазилатҳои инсонӣ, амалҳои шоиставу хислатҳои наҷиб пазируфта шуда, он дар ҳама давру замон ба таври шоиста тарғибу ташвиқ карда мешавад. Зеро чунин нафарон бо амалҳои накӯву бунёдкоронаашон дар баробари аҷру савоби зиёд, намунаи ибрат ба дигарон мешаванд ва дар пайравӣ ба чунин ашхоси хайрхоҳу ободкор садҳо нафари дигар тасмими созандагӣ пеша намуда, бо ин васила як гӯшаи диёр ободу зебо мегардад. Мисоли ин гуфтаҳоро метавон имрӯз дар ноҳияи Шаҳристон мушоҳида намуд.
ОМӮЗГОРЕ, КИ ҲАҶ НАРАФТУ ДАР ОБОДИИ ДИЁР САҲМ ГУЗОШТ
Баъди суҳбат бо нафарони зиёд ба хулоса омадем, ки дар деҳаи Чашмасори ноҳияи Шаҳристон оилаи Абдуҷаббор Алибоевро ҳамчун оилаи намунавӣ, соҳибмаърифату ватандӯст мешиносанду эътироф намудаанд. Шоҳсутуни оила Абдуҷаббор, ки ба синни 70 расидааст, беш аз 40 сол ҳамчун омӯзгор дар муассисаҳои таҳсилоти миёнаи умумии №33 ва 6 ноҳияи Шаҳристон фаъолият намуда, дар тарбияи наслҳои гуногун саҳм гузоштааст. Номбурда ба масъалаи оилаву оиладорӣ эътибори махсус додаааст ва ҳамин буд, ки шаш фарзанди худро дар руҳияи ватандӯстӣ ба камол расонид. Имрӯз фарзандонаш кору пайкори ӯро давом медиҳанд.
Дар деҳаи Чашмасор Абдусалом Алибоев, фарзанди Абдуҷаббор Алибоевро ҳамчун давомдиҳандаи кори падар мешиносанд. Номбурда касби пурифтихори омӯзгориро пеша намуда, имрӯз дар муассисаи таҳсилоти миёнаи умумии №6 ба номи Комилҷон Ғаниев фаъолият дорад. Ӯ мегӯяд, ки аз тасмими падараш, ки ҳаҷ нарафта, аз ин ҳисоб 50 ҳазор сомонӣ барои мумфарш намудани роҳи деҳа маблағ равона намудааст, хеле шоду ифтихор мекунад. Зеро саҳмгузорӣ дар ободии диёр нишонаи ватандӯстӣ ва амали нек буда, подоши зиёд дорад.
- Падарам моро дар оила ҳамеша дар руҳияи баланди ватандӯстӣ ва ифтихор аз ин ватани ободу озод тарбия намудаанд. Ҳамин буд, ки мо соҳиби маълумоти олӣ шудем ва имрӯз дар иҷрои вазифаҳои худ масъулияти дучанд ҳис мекунем. Бо падари худ ифтихор мекунам ва аз ҳар тасмимашон ҳамеша шод мешавам. Чанде пеш падар ба қароре омаданд, ки аз ҳисоби маблағҳои барои сафари ҳаҷ ҷамъовардаашонро ба корҳои ободонӣ равона месозанд.
Падарам, ки омӯзгор ҳастанд, ҳамеша рӯзномаву маҷалла мехонанд, аз ҳаводиси рӯз тавассути ВАО бохабар ҳастанд. Ҳидоятҳои Пешвои миллатро, ки ҳамеша саҳмгузорӣ дар корҳои ободониву созандагиро намунаи олии ватандӯстона медонанд, сармашқи кори худ намудаанд. Фирк мекунам, ки ҳамин ҳидоятҳои Сарвари давлат муҳтарам Эмомалӣ Раҳмон боиси он гардид, ки падарам саҳмгузорӣ дар корҳои ободониро афзалтар донистанд ва 50 ҳазор сомонӣ барои ободии роҳи деҳа равона созанд. Ин роҳ, ки мумфарш мешавад, солҳои зиёд ба мардуми мо, ба мо ва фарзандони мо хизмат мекунад ва ин аҷру савоби зиёд дорад, - мегӯяд фарзанди омӯзгор.
ФАРЗАНДОНИ ОБОДКОРИ ДЕҲАИ ЧАШМАСОР
Сокинони деҳаи Чашмасори ноҳияи Шаҳристон зимни суҳбат таъкид намуданд, ки ноҳияи Шаҳристон дар замони соҳибистиқлолӣ бо таваҷҷуҳ ва ғамхориҳои пайвастаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ободу зебо гардида, барои кору зиндагии мардум шароити арзанда фароҳам оварда шудааст. Онҳо бо шукргузории зиёд мегӯянд, ки аз файзи Истиқлол деҳаи Чашмасор ҳам рӯз аз рӯз ободу зебо гардида, симои худро куллан тағйир додааст. Ҳоло ба ифтихори ҷашни 35-солагии Истиқлоли давлатӣ тадбирҳои созандагӣ вусъати тоза касб намуда, роҳҳо таъмиру мумфарш, иншооти таъиноти гуногун бунёду мавриди истифода қарор мегиранд.
Саҳмгузории дастаҷамъона дар ободии деҳа ба як амали ҳамешагии сокинон табдил ёфта, ахиран тасмим гирифта шудааст, ки роҳи деҳаро пурра мумфарш намуда, бо ин васила бехатарии ҳаракати нақлиёт таъмин карда мешавад. Сокинони деҳаи Чашмасор оилаи Абдуҷаббор Алибоевро ҳамчун пешсафони ободкору дӯстдорони ватан мешиносанд. Зеро чунин амалҳои наҷибу ибратбахш дар байни ҳамдеҳагон ҳамовозӣ пайдо намуда, боиси ободу зебо гардидани диёрашон шудааст. Мардуми ин деҳаи зебоманзар тасмим доранд, ки санаи муҳими таърихӣ, 35-солагии Истиқлоли давлатиро бо дастовардҳои шоиста ва корҳои ободониву созандагӣ пешвоз гиранд. Барои ин тамоми шароит мавҷуд буда, эҳсоси масъулият ва ифтихор аз ватани ободу озод аз омилҳои муттаҳидкунанда дониста мешавад.
3 МИЛЛИОНУ 500 ҲАЗОР СОМОНӢ БА КОРҲОИ ОБОДОНӢ
Бино ба иттилои масъулини Мақомоти иҷроияи ҳокимияти давлатии ноҳияи Шаҳристон давоми соли 2025 ва 5 моҳи соли равон 110 нафар сокинони деҳоти Шаҳристон ва Бунҷикат аз ҳисоби маблағҳои барои сафари ҳаҷ ҷамъовардаашон ба корҳои ободониву созандагӣ равон намудаанд. Ҷамъи маблағҳои ба корҳои бунёдкорӣ равонашуда беш аз 3 миллиону 500 ҳазор сомонӣ арзёбӣ мешавад. Ин охири кор набуда, шахсони саховатпеша саҳмгузорӣ дар ободии диёрро қарзи шаҳрвандӣ ва авлотар аз дигар амалҳо медонанд. Зеро онҳо хуб дарк намудаанд, ки бунёди роҳ, купрук, беҳтар намудани вазъи таъминоти об, бунёди мактабу кӯдакистонҳо ва дигар иншооти зарурӣ аҷру подоши зиёд дорад. Гузашта аз ин, сокинон бо ин амалашон барои ҳамдеҳагони худ, фарзанду пайвандонашон шароити беҳтари кору таҳсил, истироҳату фароғат, машғул шудан ба варзиш ва солимгардонӣ, дигар имконоти хуби зиндагиро фароҳам меоваранд. Номи ҳар яки онҳо дар лавҳи хотироти мардум то абад боқӣ мемонад.
НАЗАРИ ХОДИМОНИ ДИН
Ба назари ходимони дин, саҳмгузорӣ дар корҳои ободониву созандагии диёр подоши зиёд дорад ва чунин амалҳои солеҳ нишонаи ватандӯстӣ ва худшиносии шаҳрвандон аст. Гуфта мешавад, ки солҳои охир дар партави ҳидоятҳои Пешвои миллат муҳтарам Эмомалӣ Раҳмон сафи нафароне, ки маблағҳои барои сафари ҳаҷ ҷамъовардаашонро ба корҳои ободониву созандагӣ равона менамоянд, хеле зиёд шудааст. Ин гувоҳи он аст, ки сокинони мамлакат моҳияти масъаларо хуб дарк намуда, тавофи қаъбаи дилро аз дигар амалҳо болотару афзалтар медонанд.
Мавриди ёдоварист, ки моҳи марти соли 2024 зимни мулоқот бо фаъолон, намояндагони ҷомеа ва ходимони дини кишвар Пешвои миллат муҳтарам Эмомалӣ Раҳмон таъкид намуда буданд, ки “дар натиҷаи дарки арзишҳои миллӣ ва фарҳангу ахлоқи ҳамидаи мардумамон тайи беш аз 30 соли соҳибистиқлолии кишварамон ҳазорон нафар соҳибкорону тоҷирон, шахсони саховатпеша ва афроди бонангу номуси ҷомеа сиёсати инсондӯстонаи иҷтимоии давлату Ҳукуматро дастгирӣ карда, бисёр иқдомҳои савобу созандаро анҷом доданд.
Онҳо то имрӯз ҳазорон мактабу кӯдакистон, беморхонаву бунгоҳҳои тиббӣ, роҳу пулҳо, коргоҳу корхонаҳои саноатӣ ва дигар иншооти таъиноти иқтисодиву иҷтимоӣ бунёд карда, садҳо ҳазор сокинони мамлакатро бо ҷойи корӣ таъмин намуданд, ҳар сол чор-панҷ маротиба ба оилаҳои ниёзманд ва ятимону маъюбон кумак расониданд ва ҳоло боз бисёр корҳои хайру савобро анҷом дода истодаанд.
Ана ин аст кори савобу амали хайр, ки боиси ризоияти Худованд мегардад, савобу самараи онҳо ба ҳафт пушти инсон мерасад ва дар номаи аъмоли ҳам худашон ва ҳам гузаштагонашон, ки ин гуна фарзандони солеҳро ба камол расонидаанд, навишта мешавад”.
Метавон хулоса намуд, ки давлату Ҳукумат хизматҳои шоён, саҳмгузорӣ дар корҳои ободониву созандагӣ дар ватанро ҳамеша қадр мекунад. Изҳори сипос намудани Пешвои миллат ба ҳамаи онҳое, ки корҳои хайру савоб анҷом дода, дар ободии диёри худ саҳм мегузоранд, худ нишонаи таваҷҷуҳи Ҳукумати Ҷумҳурии Тоҷикистон ба ашхоси бунёдкору саховатпеша мебошад.
Сокини ноҳияи Шаҳристон Абдуҷаббор Алибоев ин ҳидоятҳои Президенти мамлакатро сармашки кору зиндагӣ қарор дода, саҳмгузорӣ дар корҳои ободониву созандагии деҳаро амали муҳим ва савоб донист, амале, ки омӯзгори собиқадорро бештар миёни ҷомеа маълуму машҳур намуд. Фарзандони ӯ падари хешро қаҳрамони зиндагии худ мешуморанд. Қаҳрамоне, ки бо рафтори нек, гуфтору пиндори некаш идеали фарзандону пайвандон ва ҳамдеҳагонаш шудааст.
Субҳиддин ҚОДИРОВ, “ҶТ”
Хабарҳои дигар
Рӯзнома
Эзоҳи худро нависед