ҶОМЕА
Шанбе 22 Июн 2024 12:04
10138
Ҷамоатҳои Воруху Чоркӯҳ ва Чилгазиву Лаккони шаҳри Исфара дар нахустин рӯзи маъракаи даъвати ҷавонон ба хизмати ҳарбӣ нақшаи пешбинишударо иҷро намуданд.

Дар ин бора сомонаи расмии Мақомоти иҷроияи ҳокимияти давлатии вилояти Суғд хабар додааст.

Бино ба иттилоъ, дар ҳамаи ҷамоатҳои зикршуда бо ширкати намояндагони мақомоти иҷроияи ҳокимияти давлатии шаҳр, комиссариати ҳарбӣ, собиқадорон, наврасону ҷавонон ва волидони даъватшавандагон маросими гусели наваскарон ба хизмати Модар-Ватан баргузор шуд. Дар маркази шаҳр низ ба муносибати гусели даъватшавандагон чорабинии бошукӯҳ доир шуда, волидони даъватшавандагон, роҳбарияти шаҳр ва собиқадорони меҳнат ҷавононро ба хизмати Модар-Ватан гусел намуданд.

Зимни суханрониҳо ба ҷавонон гуфта шуд, ки хизмат ба Ватан – Модар рисолати фарзандӣ ва қарзи шаҳрвандӣ буда, роҳбарияти мамлакат барои адои хизмати ҳарбӣ шароитҳои зарурӣ фароҳам овардааст.

Эзоҳи худро нависед



Рамзҳо дар расм