Дирӯз-17 июл байни Ҳукумати Ҷумҳурии Тоҷикистон ва Ҳукумати Иттиҳоди Доминика созишнома оид ба мутақобилан озод намудани талаботи раводид барои қисме аз шаҳрвандони ин кишварҳо эътибор пайдо намуд.

Дар ин хусус Вазорати корҳои хориҷии Тоҷикистон хабар дод.

Ба иттилои ВКХ Тоҷикистон созишнома асосан ба ин гурӯҳи шаҳрвандон рабт мегирад: дорандагони шиносномаҳои дипломатӣ, хизматӣ ва умумишаҳрвандии хориҷӣ.

Гуфта мешавад, тибқи муқаррароти Созишномаи мазкур, шаҳрвандони Тоҷикистону Иттиҳоди Доминика метавонанд ба ҳудуди ҳамдигар бидуни раводид ба муддати навад (90) рӯз ворид шаванд ва будубош намоянд.

Бояд ёдрас шуд, ки Иттиҳоди Доминика (Dominica) як кишвари ҷазиравӣ ва хурд дар баҳри Кариб аст, ки бо табиати сабзу зебо ва иқлими тропикӣ шуҳрат дорад. Доминика дар ҷануби Гваделупа ва дар шимоли Мартиника, дар байни ҷазираҳои Кариб воқеъ аст.

Гулафшон КАРИМОВА,“ҶТ”