ҶОМЕА
Чоршанбе 03 Июн 2026 03:03
Аъзам Розиқ шомил аст ба гурӯҳи ҳунармандони пурталош ва сермаҳсули ин замон. Ҳанӯз аз оғози кор дар театр ба даст овард диққати коргардононро ва банд шуд дар намоишҳои зиёд. Ҳамчунин, бо талошҳои пайваста ворид шуд ба олами синамо ва ҳоло медурахшад дар ин фазо.
Бо баҳонаи зодрӯз ҳамсуҳбат шудем бо ин ҳунарманд ва бо ӯ доштем гуфтумон аз ину аз он.
САРОҒОЗ
ИНТИХОБЕ БИДУНИ ХОҲИШ
- Аксари ҳунармандон мегӯянд аз хурдӣ ба ин пеша шуру шавқ доштанду мехостанд фардо худро бубинанд дар ин самт. Аммо шумо баръакси онҳо омадед ба дунёи ҳунар бидуни хоҳиши худу бо хости падар...
- Бале. Мо фарзанди замони бесомониҳову нооромиҳои кишвар ҳастем. Аз ин рӯ, бо ҷой доштани мушкилоти зиёде мо аслан дар мактабҳо дарси хуб ҳам намехондем. Ба қавле бачаҳои кӯчагард будем. Як рӯз падарам гуфтанд назди акои Суннатуло бояд равӣ ва бо ӯ ҳамсуҳбат шавӣ. Эшон дӯсти наздики Ҳунарманди халқии Тоҷикистон устод Қурбони Собир ҳастанд. Бо ӯ гуфтугӯ кардем ва дар анҷоми суҳбат гуфтанд ту бояд ба Донишкадаи санъат дохил шудаву ҳунарманд шавӣ. Бароям ин касбу ин дунё куллан ноошно буд. Аммо баъдан падар ҳам борҳо дар ин бора таъкид карданд. Хоҳиши падарро рад накарда омадам ва таҳсилро дар ин ришта шуруъ кардам. Се моҳ гузашт, аммо ҳанӯз ҳам меҳри ин касб дар дилам ҷо нагирифт ва тарки таҳсил намуда, ба хона рафтам. Падар ҳамчун муҷозоти ин амалам маро ба корҳои зиёди деҳқонӣ банд кард. Як сол гузашт, намедонам чӣ шуд ки якбора хостам таҳсилро дар ин соҳа идома диҳам. Ба падар гуфтам. Ӯ рӯяшро гардонд аз ман. Чун дар деҳа аксбардор будам, пул доштам. Онҳоро гирифтам ва ба назди устод Қурбони Собир омадам ва гуфтам мехоҳам таҳсилро идома диҳам. Дилам мехост он нигоҳи аз ман баргаштаи падар ба нигоҳи ифтихоромез табдил ёбад. Ҳамон сол хушбахтона устод Қурбони Собир курс мегирифтанд ва ман шомили ҳамон гурӯҳ шудам. Ҳоло баъзан меандешам ва мегӯям шояд ҳикмати соли аввал тарк кардани таҳсил дар ҳамин будааст.
- Ҷолиб аст, ки падарро аз куҷо буд дар қалб ин ҳама муҳаббат ба ҳунар?
- Ростӣ, то ҳол дар ин бора муфассал напурсидаам. Аммо баъди ин ҳама сол боре падарам гуфтанд, ки аз миёни шаш писарам Аъзам хеле зирак буду ҳама супоришҳое ки ба дӯшаш гузошта мешуд, ба хубӣ иҷро мекард. Ман ҳис мекардам, ки ӯ метавонад ҳунарманд бошад.
- Бачагиҳо бо кадом орзуҳо пушти сар шуданд?
- Худ кам-кам мехостам овозхон бошам. Ин ҳам маншаъ гирифта буд аз тамошои консертҳои бошукуҳи ҳунармандони дохилу хориҷ, ки ҳазорҳо нафарро гирди худ ҷамъ карда буданд. Шояд мехостам ҳамон гуна барои мардум маҳбубу дӯстдоштанӣ бошам. Аммо ҳоло медонам, ки аз ман сароянда намебаромадааст.
- Мегӯянд истеъдод бояд эзидӣ бошад ва онро инсон худаш кашф карда наметавонад. Аммо шумо мисле ки ин корро кардед...
- Истеъдод дар вуҷуди ҳар инсон ҳаст. Шояд бархеҳо огоҳанд аз ҳастии он, баъзеи дигар на. Дар кори мо як сухан аст, ки агар 1 фоиз истеъдод бошад, 99 фоизи дигар талошу заҳмату меҳнат аст. Дар курси сеюм бо коргардонии устод Нозим Меликов намоише таҳия мекардем. Дар он ман бояд нақши девонаро иҷро мекардам. Қариб се ҳафта кор кардем, аммо нақшофариям ба устод ҳеҷ писанд намешуд. Як рӯз устод тасмаи худро кашиданд ва бо ғазаб маро чанд бор заданд. Ин ягон кори ҷиноӣ нест. Дар кори ҳунарӣ баъзан ин гуна корҳо лозим аст, то ҳунарманд як бор ба қавле кафад ва вуҷуди худро берун барорад. Баъди ин муҷозот ман воқеан девона шудам ва он нақшро ба хубӣ иҷро кардам. Яъне, чунин заҳматҳо мебояд барои кашфи он истеъдод.
САҲНА
АЗ ШОҲЗОДАГӢ ТО РАСТАН АЗ БАНДИ “БУНБАСТ”
- Баробари омадан ба Театри давлатии акамедии драмавии ба номи А. Лоҳутӣ банд шудед дар намоишномае. Барои як ҳунарманди ҷавону навкор, дар ин театри баландмақом, миёни як зумра ҳунармандони ҳирфаӣ, ки он замон, ёдашон ба хайр, чанде аз имрӯз набудагон низ он ҷоро бо ҳунарашон ҷило мебахшиданд, чӣ гуна муяссар шуд гирифтани нақш?
- Воқеан, он вақт ин хеле бахти бузург буд бароям. Ман нақши шоҳзодаеро дар намоиши “Маликаи Турандот” бозӣ мекардам, ки ин намоиш бахшида ба 80-солагии Театри тоҷик омода шуда буд ва тамоми аҳли фарҳанг онро тамошо карда буданд. Коргардони ин намоиш Барзу Абдуразоқов буданд ва эшон маро аз иҷрои корҳои дипломиям дар Донишкада мешинохтанд ва ин нақшро ба ман супориданд.
- Мо ҳамагӣ огоҳем аз мушкилоти театр ва кормандони ҷавони он. Ҳамчунин, далели тарки театру пеша кардани аксари онҳо ҳам бароямон аён аст. Аммо бо ин вуҷуд шумо хушбахтона мондед ин ҷо. Чӣ устуворӣ мебахшад бароятон дар ин ҷода?
- Дар ҳақиқат, мо 17 нафар гурӯҳро хатм кардем. Аммо аз миёни онҳо танҳо ман ҳоло кор карда истодаам. Шояд ҳамон заҳматҳое, ки ҳанӯз аз замони донишҷӯӣ мекашидам ва мехостам бо ҳунарам рӯзгорамро пеш барам, бароям кумак кард. Ман ҳанӯз дар он замон ба навиштани филмнома оғоз карда будам. Яъне, ҳамеша пеши худ як мақсаде мегузоштам ва барои расидан ба он талош мекардам. Худро дар ҳар коре месанҷидам ва маро ба ин васила аҳли ҳунар шинохтанд. Ҳамин талош карданҳо маро боз медорад дар ин ҷода.
- Мегӯед нақши “Спанос” аз намоиши “Бунбаст” соҳиб шуда унвони писандидатарин нақши шуморо. Яъне, хеле азиз аст бароятон ин образ. Аммо мегӯянд дар оғоз шумо набудед дар ин намоиш...
- Бале, дар аввал ман банд набудам дар ин намоиш. Мо ҳамроҳи устод Қурбони Собир дар Донишкадаи фарҳанг ва санъати ба номи М. Турсунзода курс доштем. Як рӯз устод гуфтанд ман ба театр меравам, намоиши нав гирифтааму бояд машқ кунем, ту давоми дарси шогирдонро пеш бар. Гуфтам чӣ намоиш аст? Гуфтанд ҳамин гуна намоише ҳаст ва ту он ҷо банд нестӣ. Хостам баъди дарсҳо равам ва тамринро тамошо кунам. Устод розӣ шуданд. Ду ҳафта дар тамрин иштирок кардам. Хеле бароям ин намоиш писанд омад. Дар нақши ман дигар ҳунарманд буд. Як рӯз дар рафти тамрин устод гуфтанд, Аъзам як бор биё ту хон. Ман ҳам баромада гуфтаи устодро иҷро кардам. Устод гуфтанд ту дублёри ин қаҳрамон мешавӣ. Ҳамин гуна то охири кор омадем ва акнун коргардон бояд хулосабарорӣ мекарданд. Қарор ҳамин шуд, ки ман нақши “Спанос”-ро мебозам. Ин намоиш барои фестивали намоишҳои муаллифи асар драматурги турк Тунҷер Ҷуҷеноғлу омода мешуд ва чун он ҷо театрҳо аз кишварҳои зиёд иштирок мекарданд, талаботи коргардон сахт буд ва барои ин намоиш бисёр заҳмат кашида будем.
- Соли 2017 намоиши “Хирс”-ро аз рӯйи асари адиби рус А.П.Чехов ба саҳна гузошта будед. Чанде пеш ин асар бо коргардонии Шервонӣ Толибов дар Театри давлатии ҷавонон ба номи М.Воҳидов низ пешниҳод гардид. Чӣ тафовут ва чӣ камбудиву пешравии кори ҳамдигарро дидед?
- Ин намоишро мо мустақилона таҳия карда будем. Аммо хеле мутаассифам, ки намоиши Театри ҷавононро то ҳол тамошо накардаам. Умедворам рӯзе тамошо мекунам ва шояд фикран бурду бохти ҳамдигарро дар миён бигузорам.
СИНАМО
“ЖУРНАЛИСТ”-Е КИ ӮРО БА ИН ОЛАМ ОШНО КАРД
- Соли 2012 нахустнамоиши филми аввалини шумо бо номи “Журналист” баргузор шуда буд. Аз таърихи таҳияи ин филм қисса кунед.
- Дар курси сеюм бо супориши устод Абдулмуъмин Шарифӣ гоҳ-гоҳ як чизҳое менавиштам. Боре онҳоро барои нашр ба ҳафтаномаи “Зиндагӣ” назди устод Хуршед Атовулло бурдам. Он кас хонда ростӣ зиёд хандиданд ва гуфтанд, ки навиштаҳоят хубу аммо ба талаботи журналистика ҷавобгӯ нест. Ҳамин гуна он маводҳоро бо кумаки устод хуб карда нашр кардем ва устод бароям китоби худ “Марги журналист”-ро ҳадя карданд. Ин китоб хеле таъсир гузошт ба ман ва ҳамон замон аз рӯйи он ба навишани филмнома шуруъ кардам. Аслан, намедонистам он филм мешавад ё не.
- Иллати ҳамин гуна ноошно боқӣ мондани ҳунармандони ҷавон барои коргардонҳои синамо дар чист? Яъне, як ҳунарманд бояд ҳатман филме ба навор гирад, то шинохта шавад?
- Фикр мекунам иллат дар ҳарду тараф аст. Ҳам ҳунармандони ҷавон талош намекунанд барои синамо ва ҳам коргардонҳо аз театр дуранд ва наметавонанд ҳунари онҳоро бубинанд. Агар як коргардони синамо ба театр ояд ва намоишҳоро тамошо кунад, метавонад якчанд ҳунармандро барои нақшҳое интихоб кунад. Ҳамин гуна талош бояд дуҷониба бошад.
- Иштирок дар кастингҳо натиҷа намедиҳанд?
- На ҳама кастингҳо воқеан барои интихоби дурусти ҳунарманд ва ёфтани истеъдодҳо гузаронида мешаванд. Дар яке аз чунин кастингҳо иштирок карда будам. Ду нафар нишаста буданд ва бояд ҳунармандонро интихоб мекарданд. Яке пойҳо болои ҳам, кулоҳ дар сар, хеле мутакаббирона нишаста буд. Вақте салом додам, нафари аввал посух дод, аммо ин нафар ба худ ҳатто иҷоза надод, то саломи маро алейк гирад. Вақте ҳамсуҳбат шудем он нафар хеле беэҳтиромона бо ману ҳунарам муносибат кард, ки инро қабул карда натавонистам ва посухи ин рафторашро додам. Баъдан як пораеро аз намоиши “Шоҳ Лир” иҷро кардам. Ҳангоми берун баромадан ба гӯшам расид, ки нафари аввалӣ мегуфт, ки ана ҳамин ҳунармандро мегирем. Аммо марди кӯлоҳдор рад кард. Чунки ман он такаббуру муносибати дурушти ӯро бе посух намонда будам. Яъне, ҳамин гуна баъзе аз кастингҳо танҳо барои ҳисобот ҳасту бас.
- Ду сол қабл аз ҷониби МД “Тоҷикфилм” филми “Дар талоши ҳақиқат” пешниҳод гардид бо нақшофарии шумо. Аммо дар рӯзҳои нахустнамоиши он сару садоҳои зиёде ба миён омада буду миёни коргардонҳои он нофаҳмиҳое сар зада буд...
- Бале, хеле мутаассифона, чунин шуд. Ҳарду коргардонро мешиносам, ҳарду низ хеле кори хуб доранд ва бобати ин нофаҳмиҳо чизе гуфта наметавонам. Танҳо мегӯям кош чунин намешуд.
- Шумо то ҳол дар ҳеҷ филми интернетӣ нақш наофарида будед, аммо чанде пеш симои шуморо дар яке аз чунин филмҳо дидем. Пас, сабаб ҳамонест, ки дигар ҳунармандон дар ин маврид мегӯянд?
- Шояд. Воқеан то ҳол дар чунин филмҳо иштирок надоштам. Аммо ба як театр зиндагӣ пеш намеравад. Филмҳои касбӣ дар як сол як ё дуто мешаванд, ки ин низ наметавонад моро соҳиби маблағи зиёд гардонад. Агар дар ҳар гӯшаи кишвар майдони филмбардорӣ бошаду якчанд филм наворбардорӣ шавад, ҳамасола филмҳои зиёде таҳия шаванд, пас ҳунарманд низ маҷбур намешавад дар чунин филмҳо нақш офарад. Чанде пеш яке аз соҳибони ҳамин гуна филми интернетӣ маро даъват кард. Чун нақши пешниҳодкардаи ӯ бароям мувофиқ буд, қабул кардам. Зеро агар хеле маблағи зиёд ҳам диҳанд, ман ба офаридани он нақшҳое ки аслан қобили қабул нест, розӣ намешавам.
- Аз корҳои худ чӣ навиде доред ба дӯстдорони ҳунар?
- Ҳамин сол бо устод Қурбони Собир як филми кӯтоҳ гирифтем, ки ҳам дар шаҳри Хуҷанд ҳам дар шаҳри Санкт-Петербурги Русия наворбардорӣ шуд. Дар он яке аз ҳунармандони хуби Русия низ иштирок кард. Феълан бигзор номи филм махфӣ монад. Аммо ба зудиҳо, дар оғози соли 2026 нахустнамоиши он баргузор хоҳад шуд.
Сайёраи ҚИЁМИДДИН, “ҶТ”
Бо баҳонаи зодрӯз ҳамсуҳбат шудем бо ин ҳунарманд ва бо ӯ доштем гуфтумон аз ину аз он.
САРОҒОЗ
ИНТИХОБЕ БИДУНИ ХОҲИШ
- Аксари ҳунармандон мегӯянд аз хурдӣ ба ин пеша шуру шавқ доштанду мехостанд фардо худро бубинанд дар ин самт. Аммо шумо баръакси онҳо омадед ба дунёи ҳунар бидуни хоҳиши худу бо хости падар...
- Бале. Мо фарзанди замони бесомониҳову нооромиҳои кишвар ҳастем. Аз ин рӯ, бо ҷой доштани мушкилоти зиёде мо аслан дар мактабҳо дарси хуб ҳам намехондем. Ба қавле бачаҳои кӯчагард будем. Як рӯз падарам гуфтанд назди акои Суннатуло бояд равӣ ва бо ӯ ҳамсуҳбат шавӣ. Эшон дӯсти наздики Ҳунарманди халқии Тоҷикистон устод Қурбони Собир ҳастанд. Бо ӯ гуфтугӯ кардем ва дар анҷоми суҳбат гуфтанд ту бояд ба Донишкадаи санъат дохил шудаву ҳунарманд шавӣ. Бароям ин касбу ин дунё куллан ноошно буд. Аммо баъдан падар ҳам борҳо дар ин бора таъкид карданд. Хоҳиши падарро рад накарда омадам ва таҳсилро дар ин ришта шуруъ кардам. Се моҳ гузашт, аммо ҳанӯз ҳам меҳри ин касб дар дилам ҷо нагирифт ва тарки таҳсил намуда, ба хона рафтам. Падар ҳамчун муҷозоти ин амалам маро ба корҳои зиёди деҳқонӣ банд кард. Як сол гузашт, намедонам чӣ шуд ки якбора хостам таҳсилро дар ин соҳа идома диҳам. Ба падар гуфтам. Ӯ рӯяшро гардонд аз ман. Чун дар деҳа аксбардор будам, пул доштам. Онҳоро гирифтам ва ба назди устод Қурбони Собир омадам ва гуфтам мехоҳам таҳсилро идома диҳам. Дилам мехост он нигоҳи аз ман баргаштаи падар ба нигоҳи ифтихоромез табдил ёбад. Ҳамон сол хушбахтона устод Қурбони Собир курс мегирифтанд ва ман шомили ҳамон гурӯҳ шудам. Ҳоло баъзан меандешам ва мегӯям шояд ҳикмати соли аввал тарк кардани таҳсил дар ҳамин будааст.
- Ҷолиб аст, ки падарро аз куҷо буд дар қалб ин ҳама муҳаббат ба ҳунар?
- Ростӣ, то ҳол дар ин бора муфассал напурсидаам. Аммо баъди ин ҳама сол боре падарам гуфтанд, ки аз миёни шаш писарам Аъзам хеле зирак буду ҳама супоришҳое ки ба дӯшаш гузошта мешуд, ба хубӣ иҷро мекард. Ман ҳис мекардам, ки ӯ метавонад ҳунарманд бошад.
- Бачагиҳо бо кадом орзуҳо пушти сар шуданд?
- Худ кам-кам мехостам овозхон бошам. Ин ҳам маншаъ гирифта буд аз тамошои консертҳои бошукуҳи ҳунармандони дохилу хориҷ, ки ҳазорҳо нафарро гирди худ ҷамъ карда буданд. Шояд мехостам ҳамон гуна барои мардум маҳбубу дӯстдоштанӣ бошам. Аммо ҳоло медонам, ки аз ман сароянда намебаромадааст.
- Мегӯянд истеъдод бояд эзидӣ бошад ва онро инсон худаш кашф карда наметавонад. Аммо шумо мисле ки ин корро кардед...
- Истеъдод дар вуҷуди ҳар инсон ҳаст. Шояд бархеҳо огоҳанд аз ҳастии он, баъзеи дигар на. Дар кори мо як сухан аст, ки агар 1 фоиз истеъдод бошад, 99 фоизи дигар талошу заҳмату меҳнат аст. Дар курси сеюм бо коргардонии устод Нозим Меликов намоише таҳия мекардем. Дар он ман бояд нақши девонаро иҷро мекардам. Қариб се ҳафта кор кардем, аммо нақшофариям ба устод ҳеҷ писанд намешуд. Як рӯз устод тасмаи худро кашиданд ва бо ғазаб маро чанд бор заданд. Ин ягон кори ҷиноӣ нест. Дар кори ҳунарӣ баъзан ин гуна корҳо лозим аст, то ҳунарманд як бор ба қавле кафад ва вуҷуди худро берун барорад. Баъди ин муҷозот ман воқеан девона шудам ва он нақшро ба хубӣ иҷро кардам. Яъне, чунин заҳматҳо мебояд барои кашфи он истеъдод.
САҲНА
АЗ ШОҲЗОДАГӢ ТО РАСТАН АЗ БАНДИ “БУНБАСТ”
- Баробари омадан ба Театри давлатии акамедии драмавии ба номи А. Лоҳутӣ банд шудед дар намоишномае. Барои як ҳунарманди ҷавону навкор, дар ин театри баландмақом, миёни як зумра ҳунармандони ҳирфаӣ, ки он замон, ёдашон ба хайр, чанде аз имрӯз набудагон низ он ҷоро бо ҳунарашон ҷило мебахшиданд, чӣ гуна муяссар шуд гирифтани нақш?
- Воқеан, он вақт ин хеле бахти бузург буд бароям. Ман нақши шоҳзодаеро дар намоиши “Маликаи Турандот” бозӣ мекардам, ки ин намоиш бахшида ба 80-солагии Театри тоҷик омода шуда буд ва тамоми аҳли фарҳанг онро тамошо карда буданд. Коргардони ин намоиш Барзу Абдуразоқов буданд ва эшон маро аз иҷрои корҳои дипломиям дар Донишкада мешинохтанд ва ин нақшро ба ман супориданд.
- Мо ҳамагӣ огоҳем аз мушкилоти театр ва кормандони ҷавони он. Ҳамчунин, далели тарки театру пеша кардани аксари онҳо ҳам бароямон аён аст. Аммо бо ин вуҷуд шумо хушбахтона мондед ин ҷо. Чӣ устуворӣ мебахшад бароятон дар ин ҷода?
- Дар ҳақиқат, мо 17 нафар гурӯҳро хатм кардем. Аммо аз миёни онҳо танҳо ман ҳоло кор карда истодаам. Шояд ҳамон заҳматҳое, ки ҳанӯз аз замони донишҷӯӣ мекашидам ва мехостам бо ҳунарам рӯзгорамро пеш барам, бароям кумак кард. Ман ҳанӯз дар он замон ба навиштани филмнома оғоз карда будам. Яъне, ҳамеша пеши худ як мақсаде мегузоштам ва барои расидан ба он талош мекардам. Худро дар ҳар коре месанҷидам ва маро ба ин васила аҳли ҳунар шинохтанд. Ҳамин талош карданҳо маро боз медорад дар ин ҷода.
- Мегӯед нақши “Спанос” аз намоиши “Бунбаст” соҳиб шуда унвони писандидатарин нақши шуморо. Яъне, хеле азиз аст бароятон ин образ. Аммо мегӯянд дар оғоз шумо набудед дар ин намоиш...
- Бале, дар аввал ман банд набудам дар ин намоиш. Мо ҳамроҳи устод Қурбони Собир дар Донишкадаи фарҳанг ва санъати ба номи М. Турсунзода курс доштем. Як рӯз устод гуфтанд ман ба театр меравам, намоиши нав гирифтааму бояд машқ кунем, ту давоми дарси шогирдонро пеш бар. Гуфтам чӣ намоиш аст? Гуфтанд ҳамин гуна намоише ҳаст ва ту он ҷо банд нестӣ. Хостам баъди дарсҳо равам ва тамринро тамошо кунам. Устод розӣ шуданд. Ду ҳафта дар тамрин иштирок кардам. Хеле бароям ин намоиш писанд омад. Дар нақши ман дигар ҳунарманд буд. Як рӯз дар рафти тамрин устод гуфтанд, Аъзам як бор биё ту хон. Ман ҳам баромада гуфтаи устодро иҷро кардам. Устод гуфтанд ту дублёри ин қаҳрамон мешавӣ. Ҳамин гуна то охири кор омадем ва акнун коргардон бояд хулосабарорӣ мекарданд. Қарор ҳамин шуд, ки ман нақши “Спанос”-ро мебозам. Ин намоиш барои фестивали намоишҳои муаллифи асар драматурги турк Тунҷер Ҷуҷеноғлу омода мешуд ва чун он ҷо театрҳо аз кишварҳои зиёд иштирок мекарданд, талаботи коргардон сахт буд ва барои ин намоиш бисёр заҳмат кашида будем.
- Соли 2017 намоиши “Хирс”-ро аз рӯйи асари адиби рус А.П.Чехов ба саҳна гузошта будед. Чанде пеш ин асар бо коргардонии Шервонӣ Толибов дар Театри давлатии ҷавонон ба номи М.Воҳидов низ пешниҳод гардид. Чӣ тафовут ва чӣ камбудиву пешравии кори ҳамдигарро дидед?
- Ин намоишро мо мустақилона таҳия карда будем. Аммо хеле мутаассифам, ки намоиши Театри ҷавононро то ҳол тамошо накардаам. Умедворам рӯзе тамошо мекунам ва шояд фикран бурду бохти ҳамдигарро дар миён бигузорам.
СИНАМО
“ЖУРНАЛИСТ”-Е КИ ӮРО БА ИН ОЛАМ ОШНО КАРД
- Соли 2012 нахустнамоиши филми аввалини шумо бо номи “Журналист” баргузор шуда буд. Аз таърихи таҳияи ин филм қисса кунед.
- Дар курси сеюм бо супориши устод Абдулмуъмин Шарифӣ гоҳ-гоҳ як чизҳое менавиштам. Боре онҳоро барои нашр ба ҳафтаномаи “Зиндагӣ” назди устод Хуршед Атовулло бурдам. Он кас хонда ростӣ зиёд хандиданд ва гуфтанд, ки навиштаҳоят хубу аммо ба талаботи журналистика ҷавобгӯ нест. Ҳамин гуна он маводҳоро бо кумаки устод хуб карда нашр кардем ва устод бароям китоби худ “Марги журналист”-ро ҳадя карданд. Ин китоб хеле таъсир гузошт ба ман ва ҳамон замон аз рӯйи он ба навишани филмнома шуруъ кардам. Аслан, намедонистам он филм мешавад ё не.
- Иллати ҳамин гуна ноошно боқӣ мондани ҳунармандони ҷавон барои коргардонҳои синамо дар чист? Яъне, як ҳунарманд бояд ҳатман филме ба навор гирад, то шинохта шавад?
- Фикр мекунам иллат дар ҳарду тараф аст. Ҳам ҳунармандони ҷавон талош намекунанд барои синамо ва ҳам коргардонҳо аз театр дуранд ва наметавонанд ҳунари онҳоро бубинанд. Агар як коргардони синамо ба театр ояд ва намоишҳоро тамошо кунад, метавонад якчанд ҳунармандро барои нақшҳое интихоб кунад. Ҳамин гуна талош бояд дуҷониба бошад.
- Иштирок дар кастингҳо натиҷа намедиҳанд?
- На ҳама кастингҳо воқеан барои интихоби дурусти ҳунарманд ва ёфтани истеъдодҳо гузаронида мешаванд. Дар яке аз чунин кастингҳо иштирок карда будам. Ду нафар нишаста буданд ва бояд ҳунармандонро интихоб мекарданд. Яке пойҳо болои ҳам, кулоҳ дар сар, хеле мутакаббирона нишаста буд. Вақте салом додам, нафари аввал посух дод, аммо ин нафар ба худ ҳатто иҷоза надод, то саломи маро алейк гирад. Вақте ҳамсуҳбат шудем он нафар хеле беэҳтиромона бо ману ҳунарам муносибат кард, ки инро қабул карда натавонистам ва посухи ин рафторашро додам. Баъдан як пораеро аз намоиши “Шоҳ Лир” иҷро кардам. Ҳангоми берун баромадан ба гӯшам расид, ки нафари аввалӣ мегуфт, ки ана ҳамин ҳунармандро мегирем. Аммо марди кӯлоҳдор рад кард. Чунки ман он такаббуру муносибати дурушти ӯро бе посух намонда будам. Яъне, ҳамин гуна баъзе аз кастингҳо танҳо барои ҳисобот ҳасту бас.
- Ду сол қабл аз ҷониби МД “Тоҷикфилм” филми “Дар талоши ҳақиқат” пешниҳод гардид бо нақшофарии шумо. Аммо дар рӯзҳои нахустнамоиши он сару садоҳои зиёде ба миён омада буду миёни коргардонҳои он нофаҳмиҳое сар зада буд...
- Бале, хеле мутаассифона, чунин шуд. Ҳарду коргардонро мешиносам, ҳарду низ хеле кори хуб доранд ва бобати ин нофаҳмиҳо чизе гуфта наметавонам. Танҳо мегӯям кош чунин намешуд.
- Шумо то ҳол дар ҳеҷ филми интернетӣ нақш наофарида будед, аммо чанде пеш симои шуморо дар яке аз чунин филмҳо дидем. Пас, сабаб ҳамонест, ки дигар ҳунармандон дар ин маврид мегӯянд?
- Шояд. Воқеан то ҳол дар чунин филмҳо иштирок надоштам. Аммо ба як театр зиндагӣ пеш намеравад. Филмҳои касбӣ дар як сол як ё дуто мешаванд, ки ин низ наметавонад моро соҳиби маблағи зиёд гардонад. Агар дар ҳар гӯшаи кишвар майдони филмбардорӣ бошаду якчанд филм наворбардорӣ шавад, ҳамасола филмҳои зиёде таҳия шаванд, пас ҳунарманд низ маҷбур намешавад дар чунин филмҳо нақш офарад. Чанде пеш яке аз соҳибони ҳамин гуна филми интернетӣ маро даъват кард. Чун нақши пешниҳодкардаи ӯ бароям мувофиқ буд, қабул кардам. Зеро агар хеле маблағи зиёд ҳам диҳанд, ман ба офаридани он нақшҳое ки аслан қобили қабул нест, розӣ намешавам.
- Аз корҳои худ чӣ навиде доред ба дӯстдорони ҳунар?
- Ҳамин сол бо устод Қурбони Собир як филми кӯтоҳ гирифтем, ки ҳам дар шаҳри Хуҷанд ҳам дар шаҳри Санкт-Петербурги Русия наворбардорӣ шуд. Дар он яке аз ҳунармандони хуби Русия низ иштирок кард. Феълан бигзор номи филм махфӣ монад. Аммо ба зудиҳо, дар оғози соли 2026 нахустнамоиши он баргузор хоҳад шуд.
Сайёраи ҚИЁМИДДИН, “ҶТ”
Хабарҳои дигар
Рӯзнома
Эзоҳи худро нависед