Намояндагони Кумитаи кор бо ҷавонон ва варзиши назди Ҳукумати ҷумҳурӣ бо гирандагони стипендияи Президентӣ дар ВМКБ мулоқот намуданд.

Аҳмадулло Маҳмадбунаев, мудири Бахши кор бо ҷавонон ва варзиши ноҳияи Шуғнон гуфт, ки чунин вохӯрӣ дар Муассисаи давлатии ВМКБ бо ҷавонони шаҳри Хоруғ, ноҳияҳои Шуғнон, Ишкошим, Роштқалъа, Рӯшон сурат гирифта, ба стипендиантҳо аз тарафи Кумита идорорпулии навбатӣ дода шуд.

Зимни мулоқот қайд гардид, ки Ҳукумати мамлакат, хусусан Пешвои муаззами миллат, муҳтарам Эмомалӣ Раҳмон дар ҳаққи ҷавонон ғамхориҳои бемисл менамоянд ва рисолати ҷавонон аст, ки ҳамеша худшиносиро пеша кунанду зиндагии шоистаро бипазиранд.