Масъулини дар доираи нақша-чорабиниҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо мақсади баланд бардоштани ҳисси ватандӯстӣ, ифтихори миллӣ, воқиф намудани аҳолӣ аз хавфу хатарҳои замони муосир, бахусус гурӯҳҳои террористиву экстремистӣ бо кормандони Идораи телевизион ва радиои вилоят мулоқот намуданд.

Зимни мулоқот гуфта шуд, ки дар замони имрӯз ҳушёру зирак будан, Ватани худро дӯст доштан ва фирефта нашудан ба ҳизбу ҳаракатҳои бадхоҳ аз масъалаҳои муҳим ба ҳисоб меравад. Бо назардошти хавфу хатарҳои замони муосир, таваҷҷуҳи бештар равона намудан ба масъалаи ватандӯстӣ ва ифтихори миллӣ зарур буда, ин ду мафҳум ҳамчун рукни муҳим дар пойдории сулҳу субот ва ваҳдату ҳамидилӣ нақши калидӣ доранд.

Дар идомаи мулоқот дигар баромадкунандагон доир ба таърихи пайдоиши зуҳуроти номатлуби замони имрӯз, терроризм ва экстремизм, хатари онҳо ба амнияту субот дар ҷомеа, фирефта шудани бархе аз ҷавонони ноогоҳ аз ҷониби ҳизбу ҳаракатҳои тундрав, истифодаи ғайримақсадноки интернет ва дигар масъалаҳои муҳим андешаҳои худро баён доштанд.

Даъват ба амал оварда шуд, ки дар масъалаи тарбияи ватандӯстӣ, ифтихори миллӣ хурду бузург саҳм гузошта, дастовардҳои замони соҳибистиқлолиро чун гавҳараки чашм ҳифз намоянд.

Дар фарҷом чанде аз кормандони Идораи телевизион ва радиои вилояти Суғд барои саҳм гузоштан дар татбиқи сиёсати давлатии ҷавонон бо сипоснома ва туҳфаҳои хотиравӣ қадрдонӣ шуданд.

Субҳиддин ҚОДИРОВ, “ҶТ”