Дар ноҳияи Бобоҷон Ғафуров бахшида ба Рӯзи Президенти Ҷумҳурии Тоҷикистон ва ифтитоҳи агрегати якуми НБО “Роғун” дар қисми ҳарбии 14356 ҳамоиши афсарону сарбозон таҳти унвони “Садоқат ба Президент – садоқат ба Ватан” баргузор гардид.

Зимни баромадҳо гуфта шуд, ки яке аз афзалтарин хислатҳои ҳар як шаҳрванд ин ватандӯстӣ буда, садоқат ба он яке аз омилҳои муҳимтарин ба ҳисоб меравад. Афсарону сарбозони тоҷик аз қадим барои ҳифзи марзу буми ватан ҷоннисориҳои зиёде намудаанд ва боварии комил дорем, ки шумоён сарбозони шуҷои ватан давомдиҳандагони он родмардон ба ҳисоб рафта, садоқат ба Президент ва халқу миллати хеш, садоқат ба Тоҷикистони азиз ва ватани маҳбубамонро яке аз вазифа ва мақсадҳои аввалиндараҷаи дониста, дар ин самт кӯшиш ба харҷ медиҳед.

Дар фарҷоми ҳамоиш аз ҷониби Бахши кор бо ҷавонон ва варзиши ноҳия ба сарбозони шуҷои Ватан барои содиқона, софдилона ва далерона хизмат намуданашон сипонома супорида шуд.