Дар хобгоҳи №3-и МДТ “Донишгоҳи давлатии Хуҷанд ба номи академик Бобоҷон Ғафуров” вохӯрии аъзоёни маҳфили “Пайравони Пешвои миллат” таҳти унвони “Пешвои миллат - роҳнамои имрӯзу фардои дурахшони ҷавонон” баргузор гардид. 

Дар чорабинӣ аъзоёни маҳфил доир ба хизматҳои содиқонаву тақдирсоз дар назди халқу Ватан, рӯзгори ибратпазир, осори пурарзиши Асосгузори сулҳу ваҳдати миллӣ - Пешвои миллат, Президенти кишвар муҳтарам Эмомалӣ Раҳмон, ғамхории давлату Ҳукумат нисбати ҷавонон, ҳифзу гиромидошти арзишҳои миллӣ, тарғиби одоби ҳамидаи инсонӣ суханронӣ намуданд.

Зимни чорабинӣ таъкид гардид, ки давраи ҷавонӣ ниҳоят давраи ҳассос, ширин ва ҳалкунандаи давоми зиндагист. Маҳз дар синни ҷавонӣ инсон ояндаи дуру наздики худро муайян месозад. Ҳар як амале, ки имрӯз дар овони ҷавонӣ иҷро мешавад, натиҷа ва самараи худро дар оянда ба бор хоҳад овард.

Мулоқот бо мубодилаи афкори ҳозирин ҳусни анҷом пазируфт.