Ба мақсади ҳавасмандгардонии хонандагони лаёқатманд ва баҳри дарёфти стипендияи Президенти Ҷумҳурии Тоҷикистон ва раиси ноҳия дар ноҳияи Рӯшон озмун гузаронида шуд.

Ба гуфтаи Шӯҳрат Алиев, сармутахассиси Бахши кор бо ҷавонон ва варзиши ноҳия дар озмун толибилмони муассисаҳои таҳсилоти миёнаи умумӣ ширкат варзиданд ва Комиссияи махсус гирандагони стипендияи президентиро интихоб намуд.

Бо гирифтани холҳои зиёд дар озмун аз байни довталабон Лайло Худобахшова, хонандаи синфи 10-и МТМУ №10, Айишаи Фазо, хонандаи синфи 8–и МТМУ №7 соҳиби унвони гирандагони стипендияи президентӣ ва Сафина Элчибекова, хонандаи синфи 9–и мактаби №9, Алфияи Алиназар, толибилми синфи 9-и МТМУ №8 ва Рамил Чупонов, хонандаи синфи 7–и мактаб–интернати ҷумҳуриявии Рӯшон гирандагони стипендияи раиси ноҳияро соҳиб гаштанд.

Машҳур ИМОМНАЗАРОВ, “ҶТ”