13 ноябр, ба ифтихори Рӯзи Президенти Ҷумҳурии Тоҷикистон бо иштироки зиёда аз 3 000 нафар ҷавонони ВМКБ ва муҳассилини Донишгоҳи давлатии Хоруғ ба номи Моёншо Назаршоев дар шаҳри Хоруғ роҳпаймоӣ баргузор гардид.

Ҷавонон аз Варзишгоҳи марказӣ то майдони Исмоили Сомонӣ бо парчаму аксҳои Қаҳрамонони Тоҷикистон ва шиорҳои “Ҷавонон бо Пешвои миллат ба сӯи ояндаи дурахшон!”, “Аҳли Донишгоҳи давлатии Хоруғ бо Шумоянд Ҷаноби Олӣ!”, “Эмомалӣ Раҳмон — Пешвои муаззами миллат”, “Пешвои мо ифтихори мо”, “Ҷавонон пайрави Пешвои миллат” роҳ паймуданд.

Баъдан дар Боғи Парчам барномаи фарҳангӣ зери унвони "Пешвои миллат - рамзи иттиҳоду сарҷамъӣ ва саодату осудагии мо ҷавонон!” бо ширкати муовини раиси ВМКБ Назира Амирбекзода, сардори Раёсати кор бо ҷавонон ва варзиши вилоят Сураҷ Чоршанбиев ва намояндагони мақомоти иҷроияи маҳаллии ҳокимияти давлатии шаҳру вилоят гузаронида шуд, ки дар он ҳунармандони Бадахшон беҳтарин созу сурудҳои хешро дар васфи Ватан, ҷавонӣ, Пешвои миллат ва Парчам пешкаши ҳозирин намуданд.