22 ноябр бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар толори Кумитаи миллии олимпӣ, бахшида ба Рӯзи Парчами давлатӣ мизи мудаввар дар мазӯи “Парчам –рамзи ҷоннисорӣ, сарсабзӣ ва пирӯзию сарҷамъии мо ҷавонон” доир гардид.

Дар чорабинӣ ҷавонони фаъол ва гирандагони Стипендияи Президентии муассисаҳои таҳсилоти олӣ ва таҳсилоти миёнаи ҳудуди шаҳри Душанбе ширкат намуда, доир ба гиромидошти Парчами давлатӣ суханронӣ намуданд.

Аз ҷумла зикр гардид, ки ба мақсади гиромидоштӣ ин муқаддасоти миллӣ тибқи фармони Асосгузори сулҳу ваҳдати миллӣ – Пешвои миллат, Президенти кишвар муҳтарам Эмомалӣ Раҳмон аз 20 ноябри соли 2009 рӯзи 24 ноябр Рӯзи Парчами давлатии Ҷумҳурии Тоҷикистон эълон гардидааст