Дар доираи нақша – чорабиниҳои Кумитаи кор бо ҷавонон ва варзиши назди Ҳукумати кишвар дар шаҳри Панҷакент Зулфиқор Гулаҳмадзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо фаъолҷавонони шаҳр суҳбат намуд.

Тибқи иттилоъ, зимни суҳбат таъкид гардид, ки замони муосир аз тамоми қишрҳои ҷомеа тақозо менамояд, то эҳсоси ватандӯстии худро тақвият бахшанд ва баҳри ҳифзи арзишҳои миллию давлатдорӣ дар талош бошанд. Зеро маҳз ватандӯстию арҷ гузоштан ба арзишҳои миллӣ маҳаки асосии пойдории ҳар як давлату миллат дар замони зудтағйирёбанда ба ҳисоб меравад.

- Фаъолияти бонизоми шумо - ҷавонони саодатманди диёр метавонад, идеяҳои созанда ва ташаббусҳои нав ба навро рӯйи кор орад ва ин иқдомҳо метавонанд дар мавқеи устувор пайдо намудани ҷавонон ва фаъолнокии онҳо дар ҷомеа нақши муҳим бозанд, - илова кард раиси Кумита.