Санаи 9 июл, дар шаҳри Хуҷанди вилояти Суғд намоиши ҳунармандони ҷавони вилоят баргузор гардид.

Дар  намоиш раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Аҳтам Абдуллозода ҳамроҳ бо муовини раиси вилояти Суғд Баҳодурзода Баҳоваддин иштирок намуданд.

Меҳмонон аз намоиши ҳунармандони ҷавони вилоят дидан намуда, ба ҳунари волои ҳунармандони ҷавони вилоят баҳои баланд доданд.
Раиси Кумитаи кор бо ҷавонон ва варзиш зимни намоишгоҳ бо ихтироъкорони ҷавони вилоят суҳбат намуда, гуфт, дар заминаи сиёсати ҷавонпарваронаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати омода намудани кадрҳои баландихтисос дар самтҳои гуногуни илмӣ тамоми шароитҳо фароҳам оварда шудааст. Мо барои омода намудани ҷавонони соҳибистеъдод, равона сохтани ҷавонон ба сӯи инноватсия ва технологияи навин дар кишвар роҳу усулҳои навинро роҳандозӣ намуда, марказҳои инноватсиониро дар заминаи марказҳои ҷавонон ташкил намуда истодаем, ки ин барои дарёфти чеҳраҳои илмӣ ва ташаккул додани истеъдоди фитрии ҷавонон заминагузорӣ менамояд.