Ба ифтихори “Соли ҷавонон” дар ноҳияи Мурғоб таҳти унвони “Ҷавонон - пайрави Пешвои миллат ва муҳофизи дастовардҳои Истиқлолият” суҳбати мизи мудаввар баргузор гардид.

Мурзабай Ҷошбаев, раиси ноҳия зимни баромади хеш ҷавононро ба ҳифзи дастовардҳои Ваҳдату Истиқлолият ҳидоят кард: “Ҷавонони мо бояд воқеиятро дарк кунанд, ки чунин неъматҳо саҳлу осон ба даст наомаданд. Солу давраҳо мегузаранд, ҳамагон аз паи дарёфти ризқу зиндагӣ мешаванд. Вале агар оромиву суботи комил пойдор набошад, пас чӣ хел метавон дар бобати рушди устовори мамлакат сухан метавон гуфт?”

Дар суҳбати мизи мудаввар ҳамчунин Ҷаркинбай Ақчаров, раиси Кумитаи иҷроияи Ҳизби халқӣ–демократаии Тоҷикистон дар Мурғоб, Сайёд Назришоев, иҷрокунандаи вазифаи прокурори ноҳия, Азиза Дурманчаева, корманди ҷамоати Мурғоб, Ҷунусбек Курбанбеков, омӯзгори МТМУ – и № 1 ва Жанполот Камчибеков, мудири Бахши ҷавонон, варзиш ва сайёҳии ноҳия дар мавзӯҳои “Паёми Прзиденти мамлакат ба Маҷлиси Олии Ҷумҳурии Тоҷикистон ва моҳияти он”, “Нақши Пешвои миллат дар пойдории сулҳу субот ва Ваҳдати миллӣ”, “Об манбаи ҳаёт ва усулҳои тоза нигаҳдории он”, “Асосгузори сулҳу ваҳдат – ифтихори мо” ва “Ҷавонон -  пайрави Пешвои миллат ва ҳомии неъматҳои истиқлолияту ваҳдат” маърӯза намуданд.