Имрӯз, 5 июн соати 14:00 дар толори калони КВД “Шаҳри ҳушманд (SMART CITY)” – и Мақомоти иҷроияи ҳокимияти давлатии шаҳри Душанбе маросими ҷамъбастии курси омӯзишии “Ҷавонон – пайравони Пешвои миллат” доир мегардад.

Ташкилоти ҷамъиятии “Пайравони Пешвои миллат” дар ҳамкорӣ бо Кумитаи кор бо ҷавонон ва варзиши назди Ҳукумати Ҷумҳурии Тоҷикистон даври навбатии курси омӯзишии “Ҷавонон – пайравони Пешвои миллат”-ро аз 25 сентябри соли 2025 оғоз намуда, онро то 25 майи соли 2026 идома дод.

Дар даври мазкур бори аввал 150 нафар донишҷӯён аз муассисаҳои таҳсилоти олии касбӣ ва миёнаи касбии шаҳри Душанбе ба курс ҷалб гардиданд, ки ин нишондиҳанда нисбат ба солҳои қаблӣ ба маротиб бештар мебошад.

Курси мазкур ҳамчун яке аз ташаббусҳои муҳими тарбиявию маърифатӣ дар самти омода намудани кадрҳои ҷавон, баланд бардоштани масъулияти шаҳрвандӣ ва таҳкими ҳисси ватандӯстии ҷавонон нақши муассир дошта, дар татбиқи сиёсати давлатии ҷавонони Ҷумҳурии Тоҷикистон саҳми арзанда дорад.

Маросими ҷамъбастии курси омӯзишии “Ҷавонон – пайравони Пешвои миллат” дар фазои тантанавӣ баргузор гардида, ба хатмкунандагон шаҳодатнома ва дипломҳои хатми курс супорида мешавад.

Ёдовар мешавем, ки Ташкилоти ҷамъиятии “Пайравони Пешвои миллат” дар ҳамкорӣ бо Кумитаи кор бо ҷавонон ва варзиши назди Ҳукумати Ҷумҳурии Тоҷикистон аз соли 2019 инҷониб бо мақсади ҷалби ҷавонони соҳибистеъдод ва соҳибмалака, омода намудани онҳо ҳамчун кадрҳои ҷавон ва содиқ ба Ватану миллат, омӯзонидани мактаби давлатдории Пешвои миллат муҳтарам Эмомалӣ Раҳмон, инчунин ҷалби ҷавонон ба фаъолияти волонтёрӣ ва ҷамъиятӣ фаъолият намуда, дар чорабиниҳои сатҳи ҷумҳуриявию байналмилалӣ хизматрасониҳои гуногунро ба таври ройгон амалӣ менамояд.

“ҶТ”