Дар ноҳияи Шаҳритуз бо иштироки меҳмонони хориҷӣ ва намояндагони ҳукумати ноҳия “Маркази дастгирии ҷавонон” ба истифода дода шуд.  

Марказ бо ташаббусу дастгирии сафорати Ҷопон дар Ҷумҳурии Тоҷикистон, Агентии   Ҷопон ҶАЙКА(LITAСА)   оид ба ҳамкориҳои байналмилалӣ дар  Ҷумҳурии Тоҷикистон ва Барномаи рушди СММ дар назди Ҷумҳурии Тоҷикистон сохтаву мавриди истифода қарор гирифт.

Зимни муаррифии марказ гуфта шуд, мақсад аз бунёди марказ баланд бардоштани сатҳи донишу малакаи ҷавонон буда, масъулини марказ бояд аз имкониятҳои мавҷуда истифода намоянду барои баланд бардоштани сатҳи маърифатнокии ҷавонон, инчунин дар рӯҳияи ватандӯстию хештаншиносӣ тарбия намудани ҷавонон фаъолияти худро ба роҳ монанд.