Зиёда аз 45 нафар волонтёрони Бахши кор бо ҷавонон ва варзиши шаҳри Хоруғ дар арафи Рӯзи Артиши миллӣ ба собиқадорони ҷангу меҳнати шаҳр ва ашхоси дорои имконияташ маҳдуд ёрӣ расонданд.

Дар ин бора Имомёрбек Имомёрбеков, мудири бахш чунин иттилоъ дод, ки ба ризокорон ҳамчунин 19 нафар ҷавондухтарони Хоруғ шомил шуда, онҳо қариб ҳамаи хонаҳои ниёзмандонро рӯбучин намуданд ва бомҳои онҳоро аз барф тоза карданд.

Ғайр аз ин, ризокорон дар ҳамаи чорабиниҳои сатҳи шаҳрию вилоятӣ ба ниёзмандон аз ҳар ҷиҳат кумак менамоянд, ки ин рафтори онҳо сазовори таҳсин аст.