Дар шаҳри Кӯлоб таҳти ин унвон ба истиқболи 33-солагии Истиқлоли давлатии Ҷумҳурии Тоҷикистон ҳамоиши ҷавонон баргузор шуд.

Дар ибтидои ҳамоиш масъулин аз дастовардҳои ҷавонон дар солҳои соҳибистиқлолии кишвар ёдовар гардида, иброз доштанд, ки бо таваҷҷуҳи хосса ва ғамхориҳои ҳамешагии Пешвои ҷавонпарвари меҳан муҳтарам Эмомалӣ Раҳмон барои ҷавонон шароити созгори пешбурди фаъолият ва таъмини зиндагии шоиста, донишгоҳу донишкада, муассисаҳои таълимию касбомӯзӣ, китобхонаҳо, боғҳои фарҳангу фароғатӣ ва толору майдончаҳои варзишӣ сохта ба истифода дода шудааст.

Гуфта шуд, ки ҷавонон бояд дар ҷавоб ба ин ҳама ғамхориҳо касбу донишҳои замонавиро аз бар намоянду дар таҳким бахшидани Истиқлоли давлатӣ саҳми муносиби худро гузоранд. Зеро кулли дастовардҳои мо аз ин неъмати гаронарзиш сарчашма мегирад.