21 октябр бо ташаббуси Кумитаи ҷавонон, варзиш ва сайёҳӣ дар шаҳри Кӯлоб семинар-машварат дар мавзӯи “Ҷавонон ва фарҳанги миллӣ” баргузор гардид.

Дар он намояндагони бахшу шӯъбаҳои мақомотҳои иҷроияи ҳокимияти давлатӣ, ҷавонону наварсон ва занону духтарони касбу кори гунонгун иштирок доштанд.

Давлаталӣ Суфизода, мутахассиси пешбари Раёсати кор бо чавонони КҶВС баромад карда, иброз дошт: “Имрўз ҷавонони кишвари мо аз Рӯдакиву Фирдавсӣ, Ҳофизу Саъдӣ, Хайёму Ҷомӣ, Айниву Турсунзода, Лоиқу Бозор мефахранд, лекин ба қисми зиёди ҷавонон бигӯед, ки байте аз ашъорашон қироат кун, дар мемонанд. Фарҳанги гузаштаи мо фарҳанги ҳикматҳост. Ҷавонони мо қисман ин ҳикматҳоро медонанд, вале дар фаъолияти ҳамарўӯзаи худ ба кор намебаранд. Аз он баркуниҳо чӣ суд, ки амал намекунем. Аз ростиву ҳақиқат мақол мехонем, вале диламон ба забонамон як нест».

Масъулин ҳадаф аз гузаронидани чунин семенар – машваратҳо дар байни ҷавонону наварсонро ҳифзи арзишҳои фарҳанги миллӣ ва нигоҳ доштани рақотпазирии арзишҳои миллӣ ва таҳким бахшидани онҳо дар замони ҷаҳонишавӣ арзёбӣ намуданд.

Бояд гуфт, ки ин намуд семира-машварат дар ноҳияи Фархор низ баргузор гардид.