Бахшида ба Рўзи Президенти Ҷумҳурии Тоҷикистон ва ифтитоҳи чархи якуми нерўгоҳи барқии обии “Роғун” дар Донишгоҳи давлатии Хоруғ ба номи Моёншо Назаршоев бо иштироки омӯзгорону донишҷӯён ва намояндагони мақомоти иҷроияи маҳаллии ҳокимияти давлатии ВМКБ конференсияи илмӣ - амалӣ баргузор гашт.

Чорабиниро Шермамад Ҷонмамадов, ректори донишгоҳ, ифтитоҳ бахшида, иброз дошт, ки нақши Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон Эмомалӣ Раҳмон дар эъмори давлатдории навини тоҷик беназир буда, ӯ поягузори асили истиқлолу ваҳдат ва сарҷамъии миллат мебошад.

Дар конференсия ҳамчунин иштирокчиёни дигар дар мавзӯъҳои “Роғун - ифтихори гидроэнергетикаи Тоҷикистон”, “Эмомалӣ Раҳмон ва рушди давлатдории муосири тоҷик”,“Сохтмони нерўгоҳи барқии обии Роғун ва истиқлолияти энергетикии Ҷумҳурии Тоҷикистон” ва “Нақши Пешвои миллат дар таҳкими сулҳу ваҳдати миллӣ” маърӯза намуданд.