Дар мусобиқаи 2-юми  байналмилалӣ оид ба таеквондои ҷаҳонӣ миёни кӯдакон, наврасон ва ҷавонон варзишгарони тоҷик сазовори се медали тилло гардиданд.

Мусобиқаи мазкур дар шаҳри Алмаатои кишвари Қазоқистон ба ифтихори иди Наврӯз, санаи 12-14 апрел доир гардида, дар он варзишгарони кишварҳои Осиёи Марказӣ – Қазоқистон, Қирғизистон, Тоҷикистон ва Ӯзбекистон иштироку миёни ҳам қувваозмоӣ намуданд.

Бино ба иттилои Федератсияи таеквондо (WT)-и Тоҷикистон, дар ин мусобиқа аз ҷумҳурии мо се варзишгар-Муниса Ойматова дар вазни -49кг миёни духтарон, Абубакр Фатҳуллоев дар вазни -49кг миёни писарон ва Алиҷон Фатҳуллоев дар вазни -26кг миёни кӯдакон иштирок карда, ба ҳарифонашон ғолиб гардида, парчами кишварро баланд бардоштанд.