ҶАВОНОН
Душанбе 06 Май 2024 10:51
Оғоз аз соли 2015 Созмони Миллали Муттаҳид 15-уми июлро Рӯзи байналмилалии малакаи ҷавонон эълон намудааст. Вобаста ба ин Юнисеф ҳамроҳи ташкилотҳои давлатию ҷамъиятии кишвар барномаи «Пешсаф»-ро амалӣ намуда, бо ин васила дар ҷодаи пешрафти ҳуқуқ ва имконоти ҷавонон, рушди малака ва бо кор таъмин намудани эшон саҳмгузор аст. Ҳукумати Тоҷикистон «Пешсаф»-ро чун барномаи муваффақ шумурда, баҳри дастгирии минбаъдаи наврасону ҷавонон тадбирҳои судманд меандешад.
12 июл дар Душанбе аввалин ҳамоиши миллии «Пешсаф» (UPSHIFT) доир шуд, ки наврасону ҷавонон, аз ҷумла ҷавонон бо имкониятҳои маҳдуд, аз тамоми манотиқи кишвар ширкат ва Рӯзи байналмилалии малакаҳоро қайд карда ва хостанд исбот намоянд, ки малака ва инноватсия дар асри кунунӣ чӣ аҳамите дошта, ҷавонони тоҷик ба чӣ қодиранд.
Дар ҳамоиш беҳтарин дастовардҳои наврасону ҷавонони тоҷик, тавассути барномаи «Пешсаф» ба намоиш гузошта шуд. Масалан, иштирокчии форум, навҷавони 17-сола аз ноҳияи Рӯдакӣ Аҳмад асбоби обтозакуниро дар асоси сангу шағал, пешкаши ҳозирин намуд. Дастаи «Маҳорат» аз ноҳияи Ашт бошад, баҳри сабук намудани заҳмати кишоварзон, ҳангоми ғунучини ҳосили зардолу дастгоҳ пешниҳод кард. Ҳамин тавр, наврасону ҷавонон, узви дастаҳои гуногун аз ҳар манотиқи кишвар дастоварду ихтирооти худро манзури ҳозирин намуданд, ки дар соҳоти гуногун нафъ хоҳанд овард.
Манижа Саидмуродова, ҷавондухтари 22-сола аз ноҳияи Данғара, дастаеро иборат аз панҷ нафар бо имконоти маҳдуд намояндагӣ дорад. «Маро ноумедӣ фаро гирифта буд. Лек аз даме, ки дар барномаи мазкур ширкат дорам, худро мустақил ва аз ҷиҳати молиявӣ таъмин меҳисобам. Акнун барои идомаи таҳсил аз аҳли байт маблағ намепурсам ва худро хушбахт меҳисобам», - изҳор медорад ӯ.
Натиҷаи барномаи «Пешсаф» нишон дод, ки наврасону ҷавонони Тоҷикистон дар ҳалли масоили муҳими ҷомеаи тоҷик саҳми босазои худро мехоҳанд гузоранд. Ҳалли масоил, аз ҷумла ҳифзи муҳити зист, истифодаи пурсамари об, коркарди нафъовари маҳсулоти кишоварзӣ, истифодаи дубораи партовҳо ва ғайра аз зумраи самтҳое маҳсуб меёбанд, ки наврасону ҷавонони тоҷик тариқи барномаи «Пешсаф» баҳри ҳаллашон саъю кӯшиш доранд.
12 июл дар Душанбе аввалин ҳамоиши миллии «Пешсаф» (UPSHIFT) доир шуд, ки наврасону ҷавонон, аз ҷумла ҷавонон бо имкониятҳои маҳдуд, аз тамоми манотиқи кишвар ширкат ва Рӯзи байналмилалии малакаҳоро қайд карда ва хостанд исбот намоянд, ки малака ва инноватсия дар асри кунунӣ чӣ аҳамите дошта, ҷавонони тоҷик ба чӣ қодиранд.
Дар ҳамоиш беҳтарин дастовардҳои наврасону ҷавонони тоҷик, тавассути барномаи «Пешсаф» ба намоиш гузошта шуд. Масалан, иштирокчии форум, навҷавони 17-сола аз ноҳияи Рӯдакӣ Аҳмад асбоби обтозакуниро дар асоси сангу шағал, пешкаши ҳозирин намуд. Дастаи «Маҳорат» аз ноҳияи Ашт бошад, баҳри сабук намудани заҳмати кишоварзон, ҳангоми ғунучини ҳосили зардолу дастгоҳ пешниҳод кард. Ҳамин тавр, наврасону ҷавонон, узви дастаҳои гуногун аз ҳар манотиқи кишвар дастоварду ихтирооти худро манзури ҳозирин намуданд, ки дар соҳоти гуногун нафъ хоҳанд овард.
Манижа Саидмуродова, ҷавондухтари 22-сола аз ноҳияи Данғара, дастаеро иборат аз панҷ нафар бо имконоти маҳдуд намояндагӣ дорад. «Маро ноумедӣ фаро гирифта буд. Лек аз даме, ки дар барномаи мазкур ширкат дорам, худро мустақил ва аз ҷиҳати молиявӣ таъмин меҳисобам. Акнун барои идомаи таҳсил аз аҳли байт маблағ намепурсам ва худро хушбахт меҳисобам», - изҳор медорад ӯ.
Натиҷаи барномаи «Пешсаф» нишон дод, ки наврасону ҷавонони Тоҷикистон дар ҳалли масоили муҳими ҷомеаи тоҷик саҳми босазои худро мехоҳанд гузоранд. Ҳалли масоил, аз ҷумла ҳифзи муҳити зист, истифодаи пурсамари об, коркарди нафъовари маҳсулоти кишоварзӣ, истифодаи дубораи партовҳо ва ғайра аз зумраи самтҳое маҳсуб меёбанд, ки наврасону ҷавонони тоҷик тариқи барномаи «Пешсаф» баҳри ҳаллашон саъю кӯшиш доранд.
Хабарҳои дигар
Рӯзнома
Эзоҳи худро нависед