Тибқи нақшаи чорабиниҳо бахшида ба таҷлили ҷашни Истиқлоли давлатӣ дар толори Муассисаи таълимии шаҳри Бохтар таҳти унвони "Ҷавонон, Истиқлолият ва ҳифзи манфиатҳои миллӣ" ҳамоиши ҷавонон доир гардид.

Ҳамоиш бо иштироки намояндагони Кумитаи кор бо ҷавонон ва варзиш ва сохторҳои маҳаллии он дар вилояти Хатлон баргузор шуда, зимни он вобаста ба нақши ҷавонон дар замони соҳибистиқлолӣ ва фароҳам овардани шароити мусоиди илмомӯзӣ баҳри онҳо андешарониҳо сурат гирифт.

Таъкид гардид, ки ҷавонон ҳамеша зери таваҷҷуҳи роҳбарияти олии кишвар қарор дошта, баҳри соҳибкасбу соҳибдониш гардидани насли наврасу ҷавон тамоми шароитҳо фароҳам оварда шудааст. Ҷавонон бояд бо истифода аз имкониятҳои мавҷуда касбу ҳунарҳои муосирро аз бар намоянду саҳми муносиби худро дар пешрафти соҳаҳои гуногуни хоҷагии халқи мамлакат гузоранд.