Аз 10-уми июли соли равон бахшида ба “Соли ҷавонон” дар маркази маъмурии вилояти Хатлон – шаҳри Қӯрғонтеппа омӯзиш барои ҷавонон оид ба «Асосҳои пешбурди тиҷорат ва тартиб додани бизнес-нақша» таҳт унвони «Фардои худро бо соҳибкорӣ месозам» оғоз шуд.

Омӯзиши мазкур дар доираи Лоиҳаи «Соҳибкории ҷавонон – воситаи беҳтар кардани иқтисодиёти минтақа» аз тарафи хатмкардаи барномаи амрикоӣ ФарҳодТоиров, бо дастгирии молиявии Комиссия оид ба рушди демократияи назди Сафорати ИМА дар Тоҷикистон амалӣ шуда истодааст.

Барои иштирок дар ин тренинги интерактивӣ, ки давоми 10 рӯз идома меёбад, миёни хонандагони синфҳои болоии муассисаҳои таълимии шаҳру ноҳияҳои Қӯрғонтеппа, Сарбанд, Бохтар, Вахш ва Ҷалолиддини Балхӣ озмун гузаронида шуда, 20 нафар ба он роҳ ёфтанд.

Дар натиҷаи амалишавии лоиҳа аз тарафи ҷавонон 20 адад бизнес – нақша таҳия гардида, дар назди институтҳои қарздиҳӣ ҳимоя шуда, беҳтаринҳо имконияти гирифтани дастгирии молиявиро пайдо мекунанд.

Умед Мирзоев, “ҶТ”