Баҳодур Сафаров имрӯз дар соҳаи тиб баробари фаъолият ва табобат инчунин ба навоварӣ низ машғул аст Ӯ ҳадафи навовари­ашро ташаккул додани қобилияти зеҳнӣ ва саҳм гузоштан дар соҳаи тиб меҳисобад.

Баҳодур Сафаров хатмкардаи ДДТТ ба номи Абӯалӣ ибни Сино мебошад. Ӯ ин боргоҳи илмро соли 2004 бо ихтисоси “ҷарроҳи кӯдакона” хатм кардааст. Соли 2011 рисолаи номзадиашро дар мавзӯи “Беҳгардонии усулҳои табобати носурҳои рӯдаи борик ҳангоми перитонит дар кӯдакон” ҳимоя намуда, айни ҳол дар шуъ­баи ҷарроҳии фасодию септикии кӯдаконаи Маркази миллии тиб­бии ҶТ (ММТҶТ) фаъолият мена­мояд. Ӯ ҳамзамон ассистенти ка­федраи ҷарроҳии кӯдаконаи ДДТТ ба номи Абӯалӣ ибни Сино буда, дорои 58 асару мақолаҳои илмӣ, 2 пешниҳоди ратсионалӣ ва 12 их­тироъ мебошад.

Ӯ худро хушбахт меҳисобад, ки дар фазои орому осудаи Ва­тан умр ба сар мебараду ба кори илмӣ машғул аст. Ду ихтирои ахи­ри Баҳодур Сафаров дар соҳаи тиб инҳоянд:

1.Усули барҳам додани носурҳои нопурраи найчашаклу лабмонанди рӯдаи ғафси кӯдакон;

2. Тарзи гузоштани энтеро­стомия дар ҳолати перитонити паҳншуда дар кӯдакон.

Баҳодур ихтироъҳои худро шарҳ дода гуфт: “Ихтирои якум ин усули ҷарроҳӣ аст ва бо он фарқ мекунад, ки бо буриши хурд аз ҷои наздиктар ба носур ва берун аз пардаи сифоқ иҷро карда ме­шавад ва дар натиҷа ҳам самараи иқтисодии хуб ва ҳам натиҷаи та­бобатии хуб ба даст оварда ме­шавад. Усули мазкур ҳангоми та­бобати 112 бемор истифода бурда шудааст.

Ихтирои дуввум. Ҳангоми перитонит гузоштани стомаҳои рӯдагӣ дар бисёр ҳолатҳо бо ҳар гуна оризаҳо анҷом меёбанд, ки ин бо илтиҳоби фасодии ково­кии батн ва девори рӯда вобаста аст. Бо назардошти ин мо усули гузоштани махсуси кукҳо байни стомаи рӯда ва девори шикамро пешниҳод кардем, ки ба миён ома­дани оризаҳоро эмин медорад”.

Ӯ имрӯз пайи фаъолияту омӯзиш буда, дар самти навоварӣ нақшаҳои зиёд дорад. Ба ҷавонон тавсия медиҳад, ки аз тамоми имкониятҳо истифода баранду баҳри аз худ намудани пешае та­лош намоянд. Зеро ҷавонӣ ман­шаи муваффақиятҳои минбаъда аст.

Беҳрӯз ХОЛМУРОДОВ, “ҶТ”