Таҷлили ҷашни 89 – умин солгарди таъсисёбии рӯзномаи “Ҷавонони Тоҷикистон”- ро ба Шумо аҳли эҷодии рӯзнома сидқан ва самимона табрик намуда, ба Шумо тасвиргарони ҳаёти зебои ҷавонону варзишгарон миннадории самимӣ баён менамоям. 

Рӯзномаи “Ҷавонони Тоҷикистон” дар тули 89 соли фаъолият тавонист, ки мутахассисони баландихтисосро дар соҳаи журналистика тарбият намуда, тасвирҳои зебои ҳаёти ҷавонони Тоҷикистонро бо беҳтарин матолибҳои бадеию таҳлилӣ интишор намояд. Рӯзнома бо матлабҳои гуногуни илмию адабӣ, тарбиявию таҳлилӣ тавонист, ки ҳисси баланди ватандӯстӣ, ифтихори миллӣ, арҷгузорӣ ба арзишҳои миллӣ ва пос доштани ҳифзи марзу буми Тоҷикистони азизро дар замири ҷавонони Тоҷикистон бедор намояд. 
Тавре Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон таъкид менамоянд, ки “Манфиатҳои миллӣ тақозо мекунад, ки воситаҳои ахбори омма ба сифати дастгоҳи тавонои иттилоотӣ дар муборизаи таҳмилии иттилоотӣ чун сипари боэътимоди халқу давлат хизмат намоянд, ба ҳифзи оромиву суботи ҷомеа фаъолона мусоидат кунанд ва эътимоди мардумро ба фардои нек таҳким бахшанд”. 

Дар ин давра рӯзномаи “Ҷавонони Тоҷикистон” тавонист ҳамчун як ниҳоди омодакунандаи мутахассисони ҷавони баландихтисос дар тарбияи кадрҳои баландихтисос саҳми арзишманд гузорад. 

Рӯзномаи “Ҷавонони Тоҷикистон” ҳамчун як боргоҳи илму маърифат ва махзани андешаву ташаббусу идқдомҳои ҷадид баъди ба даст овардани Истиқлолияти давлатии Ҷумҳурии Тоҷикистон дар доираи сиёсати оқилонаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон тавонист, ки дар матбуоти даврӣ ҳамчун мақбултарин нашрия шинохта шавад ва бо беҳтарин усулҳои тасвирӣ, навгониҳои ҷадиду тасвирбайниҳои муосир дар дили ҳар як ҷавон ҷой гирад. 
Рӯзномаи “Ҷавонони Тоҷикистон” ин минбари андеша, ташаббусу иқдомҳо ва минбари ифтихори миллии ҳар як ҷавони Тоҷикистон аст. Ин минбари эҷодии ҷавонон, минбари созанда ва мутаҳидкунандаи ҷавонони Тоҷикистон мебошад. 

Бори дигар ба Шумо аҳли эҷодии рӯзнома қалами бурро ва фатҳи қуллаи эҷодиро таманно менамоям.

Бо эҳтиром, Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон А.Абдуллозода