ҶОМЕА
Шанбе 06 Июн 2026 10:02
Имрӯз дар маркази маъмуриии Вилояти Мухтори Кӯҳистони Бадахшон ба ифтихори Рӯзи Парчами давлатии Ҷумҳурии Тоҷикистон роҳпаймоии оммавӣ доир шуд.
Дар он зиёда аз 4 ҳазор нафар, аз ҷумла намояндагони касбу кори гуногун, роҳбарон ва масъулини идораю муассисаҳо, сохторҳои қудратӣ ва мақомотҳои ҳифзи ҳуқуқ, собиқадорон, занону ҷавонон ва донишҷӯён ширкат варзиданд.
Роҳпаймоӣ аз назди Варзишгоҳи марказӣ то майдони Парчами давлатӣ идома карда, дар ин ҷо бо иштироки роҳбарияти вилоят чорабиниӣ расмӣ ва фарҳангӣ доир гардид.
Дар қисмати расмӣ, раиси ВМКБ Мирзонабот Алишер Худобердӣ сокинони вилоятро бо Рӯзи Парчами давлатӣ табрику муборакбод намуд.
Зикр гардид, ки рамзи давлати навбунёду соҳибихтиёрии миллати тоҷик - Парчами давлатии Ҷумҳурии Тоҷикистон дар давраи ниҳоят ҳассоси таърихӣ, зимни баргузории Иҷлосияи 16 - умин Шурои Олии Ҷумҳурии Тоҷикистон дар соли 1992 қабул ва минбаъд мояи ифтихору сарфарозии кулли мардуми сарбаланди миллати тоҷик гардид. Маҳз бо ҳидоят ва дастури хирадмандонаи Роҳбари ҷавони Тоҷикистон, Ҷаноби Олӣ муҳтарам Эмомалӣ Раҳмон бори нахуст Парчами давлати соҳибистиқлол дар ин Иҷлосия барафрохта шуда, ба давлатдории навини тоҷикон, баъди ҳазорсолаҳо ибтидо гузошт.
Зимнан таъкид гардид, ки Парчам ва парчамдорӣ дар ҳаёти халқи тоҷик таърихи дерина дошта, дар маъхазҳои илмию бадеӣ, осори шоирону мутафаккирон аз он ба таври шоиста ёдоварӣ мешавад. Аз ҷумла, тибқи сарчашмаҳои таърихӣ ин суннат асоси ҳастии маънавӣ ва пешбурди умури давлатдории гузаштагони пурифтихори моро ташкил дода, намунаи олии он Дирафши ковиёнӣ ба ҳисоб меравад, ки аз аҳди қадим то поёни давлатдории Сосониён мавриди истифода қарор дошт.
Гуфта шуд, Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки шахсан намунаи волои эҳтиром ба ин муқаддасоти миллиро аз худашон нишон медиҳанд, барҳақ таъкид месозанд, ки “Ҳар як фард бояд ифтихор дошта бошад, ки Парчами давлатии мо дар арсаи ҷаҳонӣ баробар бо парчами халқҳои мухталифи дунё дар пештоқи ташкилоту созмонҳои бонуфузи ҷаҳон парафшонӣ мекунад ва ба оламиён аз мавҷудияти миллати соҳибтамаддуни тоҷик ва узви комилҳуқуқи ҷомеаи ҷаҳон, яъне Тоҷикистони соҳибистиқлол паём мерасонад”.
Сипас, аз ҷониби аҳли фарҳанги вилоят барномаи рангини консертӣ бо фарогирии таронаҳои ватандӯстона пешкаши ҳозирин гардонида шуд.
Садоншо ҶАНОБИЛШОЕВ, “ҶТ”
Дар он зиёда аз 4 ҳазор нафар, аз ҷумла намояндагони касбу кори гуногун, роҳбарон ва масъулини идораю муассисаҳо, сохторҳои қудратӣ ва мақомотҳои ҳифзи ҳуқуқ, собиқадорон, занону ҷавонон ва донишҷӯён ширкат варзиданд.
Роҳпаймоӣ аз назди Варзишгоҳи марказӣ то майдони Парчами давлатӣ идома карда, дар ин ҷо бо иштироки роҳбарияти вилоят чорабиниӣ расмӣ ва фарҳангӣ доир гардид.
Дар қисмати расмӣ, раиси ВМКБ Мирзонабот Алишер Худобердӣ сокинони вилоятро бо Рӯзи Парчами давлатӣ табрику муборакбод намуд.
Зикр гардид, ки рамзи давлати навбунёду соҳибихтиёрии миллати тоҷик - Парчами давлатии Ҷумҳурии Тоҷикистон дар давраи ниҳоят ҳассоси таърихӣ, зимни баргузории Иҷлосияи 16 - умин Шурои Олии Ҷумҳурии Тоҷикистон дар соли 1992 қабул ва минбаъд мояи ифтихору сарфарозии кулли мардуми сарбаланди миллати тоҷик гардид. Маҳз бо ҳидоят ва дастури хирадмандонаи Роҳбари ҷавони Тоҷикистон, Ҷаноби Олӣ муҳтарам Эмомалӣ Раҳмон бори нахуст Парчами давлати соҳибистиқлол дар ин Иҷлосия барафрохта шуда, ба давлатдории навини тоҷикон, баъди ҳазорсолаҳо ибтидо гузошт.
Зимнан таъкид гардид, ки Парчам ва парчамдорӣ дар ҳаёти халқи тоҷик таърихи дерина дошта, дар маъхазҳои илмию бадеӣ, осори шоирону мутафаккирон аз он ба таври шоиста ёдоварӣ мешавад. Аз ҷумла, тибқи сарчашмаҳои таърихӣ ин суннат асоси ҳастии маънавӣ ва пешбурди умури давлатдории гузаштагони пурифтихори моро ташкил дода, намунаи олии он Дирафши ковиёнӣ ба ҳисоб меравад, ки аз аҳди қадим то поёни давлатдории Сосониён мавриди истифода қарор дошт.
Гуфта шуд, Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки шахсан намунаи волои эҳтиром ба ин муқаддасоти миллиро аз худашон нишон медиҳанд, барҳақ таъкид месозанд, ки “Ҳар як фард бояд ифтихор дошта бошад, ки Парчами давлатии мо дар арсаи ҷаҳонӣ баробар бо парчами халқҳои мухталифи дунё дар пештоқи ташкилоту созмонҳои бонуфузи ҷаҳон парафшонӣ мекунад ва ба оламиён аз мавҷудияти миллати соҳибтамаддуни тоҷик ва узви комилҳуқуқи ҷомеаи ҷаҳон, яъне Тоҷикистони соҳибистиқлол паём мерасонад”.
Сипас, аз ҷониби аҳли фарҳанги вилоят барномаи рангини консертӣ бо фарогирии таронаҳои ватандӯстона пешкаши ҳозирин гардонида шуд.
Садоншо ҶАНОБИЛШОЕВ, “ҶТ”
Хабарҳои дигар
Рӯзнома
Эзоҳи худро нависед