Дар ин бора имрӯз Исфандиёри Саъдулло, сардори Хадамоти алоқаи назди Ҳукумати Ҷумҳурии Тоҷикистон зимни нишасти матбуотӣ хабар дода гуфт, ки суръати интернет дар Тоҷикистон боло рафтааст.

- Суръати миёнаи интернети мобилӣ дар Тоҷикистон аз 7,2 Мбит/с дар аввалҳои соли 2025 то ба 35,4 Мбит/с дар соли 2026 афзоиш дода шуд, - иброз дошт сардори Хадамот.

Ҳамзамон, қайд гардид, ки суръати интернети собит боло бурда шудааст ва қарор аст, ки дар чанд соли оянда боз суръати интернети собит боло бурда мешавад.

- Суръати интернети собит ҳоло ба 48,71 Мбит/с расонида шуд. Раванди мазкур идома ёфта, суръати интернети собит дар ду соли оянда ба 100 Мбит/с расонида хоҳад шуд, - илова намуд Исфандиёри Саъдулло.

Сафиаллоҳ ИБОДЗОДА, "ҶТ"