Дар ҷумҳурӣ 385 адад хоҷагии моҳипарварӣ бо масоҳати 2881 га фаъолият доранд, ки нисбати ҳамин давраи соли гузашта миқдори хоҷагиҳо 15 адад ва масоҳати ҳавзҳои моҳипарварӣ 48 га зиёд мебошад.

Дар ин бора Қурбон Ҳакимзода, вазири кишоварзии Ҷумҳурии Тоҷикистон имрӯз зимни нишасти матбуотӣ хабар дод.

Гуфта шуд, ки тибқи маълумоти оморӣ дар давраи ҳисоботӣ 5460 тонна моҳӣ истеҳсол гардидааст, ки нисбат ба ҳамин давраи соли гузашта 6 тонна ё 0,1 фоиз зиёд мебошад.

- Бо мақсади рушди соҳаи моҳипарварӣ ва зиёд намудани истеҳсоли моҳии молӣ аз ҳисоби “Барномаи маҷмӯавии рушди соҳаи чорводорӣ дар Ҷумҳурии Тоҷикистон барои солҳои 2023-2027” ба 76 хоҷагии моҳипарварии ҷумҳурӣ 705 882 адад моҳича тақсим карда шуд, - гуфт вазири кишоварзии кишвар.

Наҷиба МУРОДБЕКОВА, “ҶТ”