Дар Ҷумҳурии Тоҷикистон тибқи омори расмӣ шумораи нашъамандон коҳиш ёфтааст, вале омори занони нашъаманд дар ин давра афзоиш ёфтааст.

Дар ин бора имрӯз дар нишасти хабарии Агенти назорати маводи нашъаовари назди Президенти кишвар гуфта шуд.
Зикр гардид, тибқи омори расмӣ дар Тоҷикистон дар нимсолаи якуми соли 2024 4066 нафар нашъаманд ба қайд гирифта шудааст, ки ин нишондод нисбати ҳамин давраи соли 2023 (4183 нафар) 117 нафар ё 28 фоиз коҳиш ёфтааст.

Ба гуфтаи раиси Агентӣ ҳолатҳои гирифторӣ ба нашъамандӣ дар кишвар миёни занон низ ба мушоҳида мерасад, ки дар шаш моҳи соли ҷорӣ мутаасифона афзудааст.

- Аз теъдоди умумии беморони нашъаманд 109 нафарро занҳо ташкил медиҳанд, ки ин шумора нисбат ба ҳамин давраи соли гузашта (103) 6 нафар зиёд гардидааст.

Тибқи омори расмие, ки Вазорати тандурустӣ ва ҳифзи иҷтимоии аҳолии кишвар пешниҳод кардааст, дар нимсола бори аввал шумораи зиёди занони нашъаманд ба қайд гирифта шудаанд,- зикр гардид дар нишаст.

Гуфта шуд, ки айни замон дар Тоҷикистон ба 10 ҳазор аҳолӣ 40,7 нашъаманд рост меояд.

Фарзонаи УМАРАЛӢ, “ҶТ”