Палатаи ҳисоб соли 2019 дар вазорату идораҳо, бонкҳо, субъектҳои хоҷагидорӣ ва дигар муассисаҳои буҷетӣ 308 санҷиши аудиторӣ гузаронида, зарари молиявиро ба маблағи 234,1 миллион сомонӣ муайян намудааст.

Ин нуктаро Чиллазода Қарахон, раиси Палатаи ҳисоби Ҷумҳурии Тоҷикистон 30 январ зимни нишасти хабарӣ иброз дошта, дар идома гуфт, аз ҷониби Палатаи ҳисоб ҷиҳати бартараф намудани камбудию норасоиҳои дар рафти чорабиниҳои назоратӣ ошкоргардида, чораҳои мушаххас андешида шуда, ба буҷет маблағи 80,5 миллион сомонӣ ва ба муассисаю ташкилотҳо 132,9 миллион сомонӣ зарари молиявӣ барқарор карда шуд.

Ҳамчунин дар идома гуфта шуд, ки айни замон Палатаи ҳособи Ҷумҳурии Тоҷикистон бо мақомотҳои олии назорати молиявии Федератсияи Русия, ҷумҳуриҳои Қазоқистону Молдова, Белорус, Латвия, Ҷумҳурии Исломии Эрон, Покистон ва Ҷумҳурии Мардумии Чин дар доираии созишномаҳои тарафайн ҳамкории судманд дорад.