Кумитаи давлатии идораи замин ва геодезӣ дар нимсолаи аввали соли ҷорӣ 7 ҳазору 562 ҳолати вайронкунии қонунгузории заминро ошкор кардааст.

Ин нуктаро 1 август Ориф Ҳоҷазода, раиси Кумитаи давлатии идораи замин ва геодезии Ҷумҳурии Тоҷикистон баён дошт.
Ба гуфтаи ӯ, барои бартараф кардани ҳолатҳои ошкоргардида 6 ҳазору 918 дастур дода шудааст. Ҳамчунин, нисбати 6 ҳазору 792 ҳолат парвандаҳои маъмурӣ тартиб дода шуда, бо маблағи зиёда аз 4 миллион сомонӣ қарорҳои ҷаримабандӣ қабул гардидаанд, ки зиёда аз 3 миллион сомонии он ба суратҳисоби махсус ворид шудааст.

Инчунин, 5 ҳазору 33 ҳолати вайронкунии қонунгузории замин дар маҳал бартараф гардидааст.

Г. КАРИМОВА, “ҶТ”