Нусхаҳои китобҳои “Пири дилҷавон”, “Душанбе - ганҷе дар қалби Осиё” ва “Иҷлосияи XVI Шурои Олӣ ва эҳёи худшиносии миллӣ”, ки бо ибтикори ҳайати эҷоди рӯзномаи “Ҷавонони Тоҷикистон” дар солҳои охир рӯи чоп омада буданд, ба китобхонаи маркази ноҳияи Ишкошими Вилояти Мухтори Кӯҳистони Бадахшон ба номи Амирбек Ҳабибов дастрас гардиданд.

Ин китобҳоро Саъдоншоҳ Улфатӣ, шоир ва сармуҳаррири рӯзномаи "Зиндагӣ"-и ноҳияи Ишкошим, ки чанде пеш аз “Ҷавонони Тоҷикистон” ҳамчун армуғон гирифта буд, ба китобхона дастрас кард.

Ёдовар мешавем, ки китобҳои “Пири дилҷавон”, “Душанбе - ганҷе дар қалби Осиё” ва “Иҷлосияи XVI Шурои Олӣ ва эҳёи худшиносии миллӣ” аз ҷониби Муассисаи давлатии рӯзномаи “Ҷавонони Тоҷикистон” дар ҳамкорӣ бо Мақомоти иҷроияи ҳокимияти давлатии шаҳри Душанбе, Мақомоти иҷроияи ҳокимияти давлатии вилояти Суғд таҳия ва нашр шуда буд.

Ҳар сеи ин китобҳо маҷмуаи очерку мақолаҳоеро фарогир аст. Дар ин маҷмуаҳо мақолаҳои олимон, сиёсатмадорон, журналистони касбӣ, донишҷӯён ва аҳли зиёи кишвар гирдоварӣ шудааст.

Наҷиба МУРОДБЕКОВА, “ҶТ”