ҶОМЕА
Якшанбе 07 Июн 2026 03:39
Мактабе дар роҳи матонату мардонагӣ
Тамринҳои пайваста, обутоби бадан, баланд бардоштани маҳорати ҷисмонӣ ва дар маҷмӯъ беҳдошти солимии ҳайати шахсии Артиши миллӣ ин як самти асосии омодагии ҷангӣ ба ҳисоб меравад. Варзиш барои солимии ҷомеа, бахусус барои сарбозон, ки омодагии ҷисмонӣ ва руҳии онҳо аз машқҳои доимӣ вобаста аст, бисёр нақши муҳим мебозад. Тамринҳои варзишӣ устуворӣ, қувват ва иродаро тақвият дода, ба ҳифзи саломатӣ ва ҳолати беҳтарини руҳӣ кӯмак мерасонанд.
Чун дар пеш моро ҷашни бисёр муҳим – солгарди Артиши миллӣ интизор аст, бо истифода аз фурсати муносиб хостем, то матлабе дар мавзӯи варзиш ва таъсири он ба сарбоз, ҳам аз ҷиҳати обутоби ҷисмонӣ ва ҳам аз ҷиҳати беҳтар кардани ҳолати руҳии ӯ, омода намоем. Дар матлаби мазкур мо дар бораи дастае ҳарф хоҳем зад, ки дар зерсохтори Вазорати мудофиа фаъолият мекунад ва то ба имрӯз дар тарбияи сарбозони варзишгар саҳми бисёр бориз гузошта истодааст. Дас-таи мазкур ин “Клуби марказии варзишии артиш” мебошад.
Тайи солҳои соҳибистиқлолӣ Ҳукумати мамлакат ба наврасону ҷавонон ҳамчун неруи созандаву бунёдкор ва муҳофизи халқу Ватан таваҷҷуҳи хосса зоҳир намуда, бо мақсади рушду камоли шахсият ва солимии ҷомеа тадбирҳои гуногунро дар ин самт амалӣ мекунад. Маҳз дар доираи ин ҳадафҳо ва густариш додани навъҳои варзиш дар сафи Артиши миллӣ, 13 марти соли 2003 дар тобеияти Вазорати мудофиа “Клуби марказии варзишии артиш” ташкил карда шуд.
Клуби мазкур дар аввали фаъолияти худ ҳамчун клубе ба роҳ монд, ки он танҳо ба самти футбол бахшида шудааст. Яъне зери номи “Клуби марказии варзишии артиш” танҳо дастаи футболбозони он фаҳмида мешуд. Бо гузашти солҳо “КМВА”-и Вазорати мудофиа фаъолияти худро васеътар карда, дигар навъҳои варзишро низ роҳандозӣ намуд. Дар ҳоли ҳозир бошад, “Клуби марказии варзишии артиш” дар доираи имкониятҳои фароҳамгашта, сарбозони варзишгарро аз рӯи 15 навъи варзиш таълим дода, дар давоми хизмати ҳарбӣ маҳорати варзишии онҳоро сайқал медиҳад. Ҳамчунин, дар пойгоҳи қисму воҳидҳои ҳарбӣ низ барои ҳайати шахсӣ ҷиҳати машқу тамрини ҷисмонӣ шароиту имкониятҳои хуб фароҳам оварда шудааст.
Айни замон дар клуби мазкур сарбозон имконият доранд, ки дар 15 навъи гуногуни варзиш маҳорати худро санҷида, онро сайқал диҳанд. Дар клуб айни замон навъҳои варзиши гӯштини миллӣ, озод, самбо, ҷудо, дастхобонӣ, бокс, задухӯрди тан ба тан, футбол, волейбол ва ғайра ба сарбозон таълим дода мешавад. Мувофиқи иттилои масъулин ҳар моҳ дар қисмҳои ҳарбӣ як ё ду маротиба аз рӯи ин навъҳои варзиш мусобиқаҳои гуногуни варзишӣ гузаронида шуда, сарбозони ҷузъу томҳои артиш дар он фаъолона иштирок менамоянд.
Ҳамчунин, клуб ҳамасола мусобиқаҳои гуногуни варзиширо дар шаҳру навоҳии ҷумҳурӣ мувофиқи нақша ва дар арафаи иду ҷашнҳои миллӣ миёни афсарону сарбозони қисмҳои ҳарбии Вазорати мудофиа ва дигар қӯшунҳои Қувваҳои Мусаллаҳ доир менамояд, ки ин ба ҳавасмандии сарбозону афсарон сабаб гашта, теъдоди варзишгарафсаронро низ рӯз аз рӯз зиёд мегардонад.
Фаъолияти клуб солҳои охир бис-ёр хуб ва диданӣ ба назар мерасад. Барои мисол метавон дастовардҳои клубро дар соли 2022 мушоҳида кард, ки бисёр назаррас ва диданӣ аст. Дар соли 2022 мувофиқи иттилои масъулин варзишгарони клуб бо иштирок дар мусобиқаҳои гуногуни дохиливу хориҷӣ ба гирифтани як қатор дастовардҳои арзанда ноил гардиданд.
Варзишгарон дар ин сол дар 53 мусобиқа иштирок намуда, ба гирифтани 141 медал сазовор гаштанд, ки ин нисбат ба соли 2021 хеле натиҷаи назаррас ба ҳисоб меравад. Фарқ миёни як сол 75 медалро ташкил медиҳад. Яъне, варзишгарони “Клуби марказии варзишии артиш” аз соли 2021 дида 75 медал дар соли 2022 зиёдтар ба даст овардаанд. Ин аз он гувоҳӣ медиҳад, ки клуб фаъолияти худро ба таври назаррас ба роҳ монда, дар ин самт муваффақ низ гашта истодааст.
Яке аз самтҳои аз ҳама фаъол дар клуб ин самти футбол ба ҳисоб меравад. Дастаи футболи “Клуби марказии варзишии артиш” айни замон дар Лигаи олии кишвар ҳунарнамоӣ дорад. Яке аз дастовардҳои назарраси тими футболи клуби мазкур тайи чанд соли охир ин иштирок дар Ҷоми Конфедератсияи футболи Осиё ва касби мақоми сеюм дар Чемпионати Тоҷикистон мебошад. Дастаи футболбозони клуб аз замони ташкилшавӣ то имрӯз фаъолияти мунтазаму босамар дошта, бо иштирок дар Лигаи олии футболи Тоҷикистон дар байни дастаҳои футболи кишвар мақоми хосса пайдо кардааст.
Ҳамчунин, дар клуб ба ҷавонони варзишгар шароит фароҳам оварда шудааст, то бо пешниҳоди унвонҳои варзишӣ ба сафи Артиши миллӣ омада, дар баробари хизмати ҳарбӣ маҳорати варзишии худро такмил диҳанд. Ҳамзамон, дар мусобиқаҳои гуногуни дохилу хориҷ ширкат варзида, соҳиби ҷойҳои ифтихорӣ гарданд.
Фаъолияти “Клуби марказии варзишии артиши Вазорати мудофиа дар чанд самт бомаром идома ёфта, варзишгарони он ба дастовардҳои назаррас мушарраф шуда истодаанд. Азбаски ин клуб фаъолияти чандинсола ва дастовардҳои зиёд дорад, айни замон дар бораи фаъолияти он дар соли 2024 ва дастовардҳояш дар ин давра маълумот хоҳем дод. Ҷаҳонгир Маҷидов, варзишгари номошнои кишвар, ки дар вазни то 100 кг дар навъи варзиши гӯштини ҷудо ҳунарнамоӣ мекунад, соли 2024 дар клуби мазкур машқу тамрин менамуд. Ин варзишгари бомаҳорати кишвар ба ҳайси сарбози қатории ротаи алоҳидаи варзишии қисми ҳарбии 01215-и “Клуби марказии варзишии артиш” адои хизмат намуда, ҳамчунин бо идома додани машқу тамринҳои пайваста дар мусобиқоти гуногуни ҳам дохил ва ҳам хориҷи кишвар иштирок мекард. Яке аз мусобиқоти муҳим ва сатҳи ҷаҳонӣ, ки Ҷаҳонгир Маҷидов дар он ширкат карда, сазовори медали биринҷӣ гардид, ин Гранд-слами Душанбе буд. Ҷаҳонгир Маҷидов бо иштирок дар мусобиқа ва гирифтани медали биринҷӣ боз як саҳифаи наверо дар ҳаёти Клуби марказии варзишии артиши Вазорати мудофиаи Ҷумҳурии Тоҷикистон боз намуд ва хазинаи варзишии ин боргоҳро бо медали дигаре пур кард. Ин варзишгари соҳибистеъдоди кишвар ҳамчунин тавонист роҳхати мусобиқаи бонуфузтарини соҳаи варзиш – Бозиҳои олимпиро ба даст оварда, дар он ҳунарнамоӣ кунад.
Дастоварди назарраси дигар дар соли 2024 дар “КМВА” ин иштироки дастаи Вазорати мудофиа дар мусобиқаи ҷумҳуриявӣ оид ба “Самбо” байни кормандони мақомоти ҳифзи ҳуқуқ, сохторҳои қудратӣ ва корхонаю идораҳои Ҷумҳурии Тоҷикистон барои гиромидошти хотираи устоди шоистаи варзиш, корманди шоистаи Ҷумҳурии Тоҷикистон, полковники мустаъфӣ Саймаҳмуд Маҳмадрасулов буд, ки варзишгарони Вазорати мудофиа дар ин мусобиқаи ҷумҳуриявӣ 5 медал: 2 тилло, 2 нуқра ва 1 биринҷӣ ба даст оварда, аз рӯи ҳисоби даставӣ сазовори ҷойи якум гардиданд.
Танҳо дар шаш моҳи аввали соли 2024 варзишгарони Клуби марказии варзишии артиши Вазорати мудофиа дар 8 мусобиқаи шаҳрӣ, 16 мусобиқаи ҷумҳуриявӣ, 1 Ҷоми Осиё ва 2 мусобиқаи байналмилалӣ иштирок намуда, сазовори 38 медали тилло, 28 нуқра ва 40 биринҷӣ гардиданд. Дар маҷмуъ, варзишгарони клуби мазкур дар шаш моҳ ба гирифтани 106 медал даст ёфтанд.
Бо боварӣ метавон гуфт, ки бо фаъолияти пайваста “КМВА” имкон дорад дар оянда ба натиҷаҳои аз ин ҳам бештар даст ёфта, номи худро дар дилхоҳ навъи варзиш баланд созад.
Ҳошим РАҲМАТУЛЛОЕВ, “ҶТ”
Тамринҳои пайваста, обутоби бадан, баланд бардоштани маҳорати ҷисмонӣ ва дар маҷмӯъ беҳдошти солимии ҳайати шахсии Артиши миллӣ ин як самти асосии омодагии ҷангӣ ба ҳисоб меравад. Варзиш барои солимии ҷомеа, бахусус барои сарбозон, ки омодагии ҷисмонӣ ва руҳии онҳо аз машқҳои доимӣ вобаста аст, бисёр нақши муҳим мебозад. Тамринҳои варзишӣ устуворӣ, қувват ва иродаро тақвият дода, ба ҳифзи саломатӣ ва ҳолати беҳтарини руҳӣ кӯмак мерасонанд.
Чун дар пеш моро ҷашни бисёр муҳим – солгарди Артиши миллӣ интизор аст, бо истифода аз фурсати муносиб хостем, то матлабе дар мавзӯи варзиш ва таъсири он ба сарбоз, ҳам аз ҷиҳати обутоби ҷисмонӣ ва ҳам аз ҷиҳати беҳтар кардани ҳолати руҳии ӯ, омода намоем. Дар матлаби мазкур мо дар бораи дастае ҳарф хоҳем зад, ки дар зерсохтори Вазорати мудофиа фаъолият мекунад ва то ба имрӯз дар тарбияи сарбозони варзишгар саҳми бисёр бориз гузошта истодааст. Дас-таи мазкур ин “Клуби марказии варзишии артиш” мебошад.
Тайи солҳои соҳибистиқлолӣ Ҳукумати мамлакат ба наврасону ҷавонон ҳамчун неруи созандаву бунёдкор ва муҳофизи халқу Ватан таваҷҷуҳи хосса зоҳир намуда, бо мақсади рушду камоли шахсият ва солимии ҷомеа тадбирҳои гуногунро дар ин самт амалӣ мекунад. Маҳз дар доираи ин ҳадафҳо ва густариш додани навъҳои варзиш дар сафи Артиши миллӣ, 13 марти соли 2003 дар тобеияти Вазорати мудофиа “Клуби марказии варзишии артиш” ташкил карда шуд.
Клуби мазкур дар аввали фаъолияти худ ҳамчун клубе ба роҳ монд, ки он танҳо ба самти футбол бахшида шудааст. Яъне зери номи “Клуби марказии варзишии артиш” танҳо дастаи футболбозони он фаҳмида мешуд. Бо гузашти солҳо “КМВА”-и Вазорати мудофиа фаъолияти худро васеътар карда, дигар навъҳои варзишро низ роҳандозӣ намуд. Дар ҳоли ҳозир бошад, “Клуби марказии варзишии артиш” дар доираи имкониятҳои фароҳамгашта, сарбозони варзишгарро аз рӯи 15 навъи варзиш таълим дода, дар давоми хизмати ҳарбӣ маҳорати варзишии онҳоро сайқал медиҳад. Ҳамчунин, дар пойгоҳи қисму воҳидҳои ҳарбӣ низ барои ҳайати шахсӣ ҷиҳати машқу тамрини ҷисмонӣ шароиту имкониятҳои хуб фароҳам оварда шудааст.
Айни замон дар клуби мазкур сарбозон имконият доранд, ки дар 15 навъи гуногуни варзиш маҳорати худро санҷида, онро сайқал диҳанд. Дар клуб айни замон навъҳои варзиши гӯштини миллӣ, озод, самбо, ҷудо, дастхобонӣ, бокс, задухӯрди тан ба тан, футбол, волейбол ва ғайра ба сарбозон таълим дода мешавад. Мувофиқи иттилои масъулин ҳар моҳ дар қисмҳои ҳарбӣ як ё ду маротиба аз рӯи ин навъҳои варзиш мусобиқаҳои гуногуни варзишӣ гузаронида шуда, сарбозони ҷузъу томҳои артиш дар он фаъолона иштирок менамоянд.
Ҳамчунин, клуб ҳамасола мусобиқаҳои гуногуни варзиширо дар шаҳру навоҳии ҷумҳурӣ мувофиқи нақша ва дар арафаи иду ҷашнҳои миллӣ миёни афсарону сарбозони қисмҳои ҳарбии Вазорати мудофиа ва дигар қӯшунҳои Қувваҳои Мусаллаҳ доир менамояд, ки ин ба ҳавасмандии сарбозону афсарон сабаб гашта, теъдоди варзишгарафсаронро низ рӯз аз рӯз зиёд мегардонад.
Фаъолияти клуб солҳои охир бис-ёр хуб ва диданӣ ба назар мерасад. Барои мисол метавон дастовардҳои клубро дар соли 2022 мушоҳида кард, ки бисёр назаррас ва диданӣ аст. Дар соли 2022 мувофиқи иттилои масъулин варзишгарони клуб бо иштирок дар мусобиқаҳои гуногуни дохиливу хориҷӣ ба гирифтани як қатор дастовардҳои арзанда ноил гардиданд.
Варзишгарон дар ин сол дар 53 мусобиқа иштирок намуда, ба гирифтани 141 медал сазовор гаштанд, ки ин нисбат ба соли 2021 хеле натиҷаи назаррас ба ҳисоб меравад. Фарқ миёни як сол 75 медалро ташкил медиҳад. Яъне, варзишгарони “Клуби марказии варзишии артиш” аз соли 2021 дида 75 медал дар соли 2022 зиёдтар ба даст овардаанд. Ин аз он гувоҳӣ медиҳад, ки клуб фаъолияти худро ба таври назаррас ба роҳ монда, дар ин самт муваффақ низ гашта истодааст.
Яке аз самтҳои аз ҳама фаъол дар клуб ин самти футбол ба ҳисоб меравад. Дастаи футболи “Клуби марказии варзишии артиш” айни замон дар Лигаи олии кишвар ҳунарнамоӣ дорад. Яке аз дастовардҳои назарраси тими футболи клуби мазкур тайи чанд соли охир ин иштирок дар Ҷоми Конфедератсияи футболи Осиё ва касби мақоми сеюм дар Чемпионати Тоҷикистон мебошад. Дастаи футболбозони клуб аз замони ташкилшавӣ то имрӯз фаъолияти мунтазаму босамар дошта, бо иштирок дар Лигаи олии футболи Тоҷикистон дар байни дастаҳои футболи кишвар мақоми хосса пайдо кардааст.
Ҳамчунин, дар клуб ба ҷавонони варзишгар шароит фароҳам оварда шудааст, то бо пешниҳоди унвонҳои варзишӣ ба сафи Артиши миллӣ омада, дар баробари хизмати ҳарбӣ маҳорати варзишии худро такмил диҳанд. Ҳамзамон, дар мусобиқаҳои гуногуни дохилу хориҷ ширкат варзида, соҳиби ҷойҳои ифтихорӣ гарданд.
Фаъолияти “Клуби марказии варзишии артиши Вазорати мудофиа дар чанд самт бомаром идома ёфта, варзишгарони он ба дастовардҳои назаррас мушарраф шуда истодаанд. Азбаски ин клуб фаъолияти чандинсола ва дастовардҳои зиёд дорад, айни замон дар бораи фаъолияти он дар соли 2024 ва дастовардҳояш дар ин давра маълумот хоҳем дод. Ҷаҳонгир Маҷидов, варзишгари номошнои кишвар, ки дар вазни то 100 кг дар навъи варзиши гӯштини ҷудо ҳунарнамоӣ мекунад, соли 2024 дар клуби мазкур машқу тамрин менамуд. Ин варзишгари бомаҳорати кишвар ба ҳайси сарбози қатории ротаи алоҳидаи варзишии қисми ҳарбии 01215-и “Клуби марказии варзишии артиш” адои хизмат намуда, ҳамчунин бо идома додани машқу тамринҳои пайваста дар мусобиқоти гуногуни ҳам дохил ва ҳам хориҷи кишвар иштирок мекард. Яке аз мусобиқоти муҳим ва сатҳи ҷаҳонӣ, ки Ҷаҳонгир Маҷидов дар он ширкат карда, сазовори медали биринҷӣ гардид, ин Гранд-слами Душанбе буд. Ҷаҳонгир Маҷидов бо иштирок дар мусобиқа ва гирифтани медали биринҷӣ боз як саҳифаи наверо дар ҳаёти Клуби марказии варзишии артиши Вазорати мудофиаи Ҷумҳурии Тоҷикистон боз намуд ва хазинаи варзишии ин боргоҳро бо медали дигаре пур кард. Ин варзишгари соҳибистеъдоди кишвар ҳамчунин тавонист роҳхати мусобиқаи бонуфузтарини соҳаи варзиш – Бозиҳои олимпиро ба даст оварда, дар он ҳунарнамоӣ кунад.
Дастоварди назарраси дигар дар соли 2024 дар “КМВА” ин иштироки дастаи Вазорати мудофиа дар мусобиқаи ҷумҳуриявӣ оид ба “Самбо” байни кормандони мақомоти ҳифзи ҳуқуқ, сохторҳои қудратӣ ва корхонаю идораҳои Ҷумҳурии Тоҷикистон барои гиромидошти хотираи устоди шоистаи варзиш, корманди шоистаи Ҷумҳурии Тоҷикистон, полковники мустаъфӣ Саймаҳмуд Маҳмадрасулов буд, ки варзишгарони Вазорати мудофиа дар ин мусобиқаи ҷумҳуриявӣ 5 медал: 2 тилло, 2 нуқра ва 1 биринҷӣ ба даст оварда, аз рӯи ҳисоби даставӣ сазовори ҷойи якум гардиданд.
Танҳо дар шаш моҳи аввали соли 2024 варзишгарони Клуби марказии варзишии артиши Вазорати мудофиа дар 8 мусобиқаи шаҳрӣ, 16 мусобиқаи ҷумҳуриявӣ, 1 Ҷоми Осиё ва 2 мусобиқаи байналмилалӣ иштирок намуда, сазовори 38 медали тилло, 28 нуқра ва 40 биринҷӣ гардиданд. Дар маҷмуъ, варзишгарони клуби мазкур дар шаш моҳ ба гирифтани 106 медал даст ёфтанд.
Бо боварӣ метавон гуфт, ки бо фаъолияти пайваста “КМВА” имкон дорад дар оянда ба натиҷаҳои аз ин ҳам бештар даст ёфта, номи худро дар дилхоҳ навъи варзиш баланд созад.
Ҳошим РАҲМАТУЛЛОЕВ, “ҶТ”
Хабарҳои дигар
Рӯзнома
Эзоҳи худро нависед