Варзишгарони вилояти Хатлон дар шаш моҳи аввали соли 2024 аз мусобиқаҳои варзишии ҷумҳуриявӣ ва байналмилалӣ 1571 медал ба даст оварданд, ки ин нишондод нисбати ҳамин давраи соли гузашта 344 медал зиёд аст.

Дар ин бора Рамазон Насриддинзода, сардори Раёсати кор бо ҷавонон ва варзиши вилояти Хатлон зимни нишати хабарӣ бо рӯзноманигорон иттилоъ додааст.

Номбурда зикр кардааст, ки варзишгарони вилоят дар зиёда аз 95 чемпионат ва мусобиқаҳои ҷумҳуриявӣ ширкат варзида, сазовори 522 медали тилло, 441 медали нуқра, 536 медали биринҷӣ, ҳамагӣ соҳиби 1499 медал гардидаанд.

Инчунин варзишгарони вилоят дар 19 мусобиқаи байналмилалӣ ширкат варзида, 18 медали тилло, 17 медали нуқра ва 37 медали биринҷӣ ба даст овардаанд.

- Дар умум варзишгарони вилоят 540 медали тилло, 548 медали нуқра, 573 медали биринҷӣ, дар ҷамъ 1571 медал ба даст оварданд, ки нисбат ба ҳамин давраи соли 2023 344 медал зиёд мебошад,-зикр намудааст Насриддинзода.

Фарзонаи УМАРАЛӢ, “ҶТ”