Нақшаи даъвати тирамоҳии шаҳрвандон ба сафи Қувваҳои Мусаллаҳи Ҷумҳурии Тоҷикистон дар вилояти Хатлон ба ҳолати 24-уми октябр пеш аз муҳлат пурра иҷро гардид.

Дар ин бора аз Мақомоти иҷроияи ҳокимияти давлатии вилоят хабар доданд. Ба иттилои манбаъ барои пеш аз муҳлат иҷро шудани нақша чанд омилҳо: аз ҷумла гузаронидани омӯзиши пешаздаъватӣ ва ташкили чорабиниҳои тарғиботиву фаҳмондадиҳӣ миёни аҳолӣ сабаб гаштааст.

Ҳамчунин, гуфта мешавад, ки дар ин даъват теъдоди шаҳрвандони ихтиёрӣ, аз ҷумла ҷавонписарони дорои маълумоти олӣ ва хатмкардагони Муассисаи давлатии “Мададгори мудофиа”, ки мутахассисони касбу соҳаҳои гуногунро барои Артиши миллӣ омода мекунад, зиёд будааст.

Ин даъвати чорум аст, ки ҷавонони диловару ғаюр ихтиёран ба сафи Артиши миллӣ пайваста, нақшаи даъватро дар рӯзҳои аввал таъмин намуданд. Хизмат дар сафи Қувваҳои Мусаллаҳ мактаби бузурги шуҷоат, мардонагӣ ва садоқат ба Ватан маҳсуб ёфта, ифтихори ҳар як ҷавони тоҷик мебошад.