Раиси Маҷлиси миллии Маҷлиси Олии Ҷумҳурии Тоҷикистон, раиси шаҳри Душанбе муҳтарам Рустам Эмомалӣ дар мусобиқаи “Dushanbe Grand Slam-2024” дар рӯзи дуввуми мусобиқа ба ҳайси меҳмони фахрӣ ширкат варзиданд.

Дар ин бора саҳифаи телеграми раиси шаҳри Душанбе хабар дод.

Чигунае, ки аз аксҳои дар саҳифаи телеграмии мансуб ба раиси шаҳри Душанбе нашршуда аён мегардад, муҳтарам Рустам Эмомалӣ ҳамроҳ бо мудири кулли Федератсияи байналмилалии ҷудо Влад Маринеску ва президенти Федератсияи ҷудои Тоҷикистон Исмоил Маҳмадзоир рафти мусобиқаро тамошо карда истодаанд.

Ёдовар мешавем, ки аз ҷудочиёни тоҷик дар рӯзи дуввуми муобиқа танҳо Беҳрӯз Хоҷазода, ҷудокори номошнои тоҷик бо дурахши пурҷилояш ба финали ин мусобиқа роҳ ёфт.

Дар рӯзи аввали сабқатҳо се ҷудокори тоҷик соҳиби медал гашта буданд. Муҳаммадсолеҳ Қувватов дар вазни то 60 кило бо медали тилло, Обид Ҷебов дар вазни то 66 кило бо медали нуқра ва Муллораҷаб Халифаеви 25-сола дар вазни то 66 кило бо медали биринҷӣ сарфароз гардида буданд.