17 - уми октябрдар шаҳри Уфаи Ҷумҳурии Бошқирдистони Федератсияи Русия маросими кушодашавӣ ва намоишгоҳи 12 - умин Форуми байналмилалии варзишӣ таҳти унвони “Русия кишвари варзишӣ” доир гардид.

Дар ин форум ҳайати Ҷумҳурии Тоҷикистон бо роҳбарии Зулфиқор Гулаҳмадзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон иштирок намуданд.

Ба иттилои дафтари матбуоти Кумитаи кор бо ҷавонон ва варзиш дар доираи Форум Зулфиқор Гулаҳмадзода, раиси Кумита бо роҳбарони бахши варзиши як қатор кишварҳо вохӯрӣ намудааст.

Лозим ба ёдоварист, ки дар Форуми мазкур намояндагони зиёда аз 20 кишвари дунё иштирок доранд.

Мақсад аз баргузории ин форуми байналмилалӣ рушди муносибатҳои байналмилалии варзишӣ ва мубодилаи таҷриба байни кишварҳо арзёбӣ мегардад.